Kómirsiz hám kóńilsiz mektep

Sýyqtan búrseń qaqqan ustaz­dar men oqýshylardyń múshkil ha­lin áleýmettik jelilerde taraǵan beı­ne­jazba rastap berdi. Áıtpese, «bas jarylsa, bórik ishinde, qol synsa, jeń ishinde» dep júrgen mek­tep ujymynyń jaǵdaıyn esh­kim bilmes te edi. Jazba avtory mek­tepte kómirdiń taýsylǵanyn, ja­ǵýǵa jaramsyz usaq úıindiler ǵana qalǵanyn beınelepti. Sal­da­ry­nan ǵımarat ishindegi temperatýra kúrt tómendegen.

Aýdandyq bilim berý bóliminiń basshysy Olga Kýnakovanyń aıtýyn­sha, Q.Ydyrysov atyndaǵy orta mektepti jylytý úshin qysqy maý­symda 474 tonna kómir qajet. Ta­ýarlyq bırja arqyly 45 mln teń­ge­ge kelisimshart jasalǵan. Biraq qara otyndy tasymaldaýǵa ja­ýap­ty merdiger – «Rahımov» jeke ká­­sip­kerligi osy ýaqytqa deıin 270 tonnasyn ǵana jetkizipti. О́z isine salǵyrt qaraǵan merdigerdiń ústinen sotqa aryz da túsken. Ol «kúnde erteńmen» ýaqytty sozyp júripti. Senimdi basqarýǵa berilgen qazandyqtyń aýmaǵynda qatty otyn qoryn saqtaıtyn arnaıy oryn joq eken. Áıtpese, áý basta kómirdi molynan tasymaldaýǵa bolar edi.

Qazir jer-jerdegi ákimderdiń halyq aldynda esep berip júrgen kezi. Bul másele qalaısha tasada qalǵan? Áttegen-aıy sol, buǵan oblys ákimi aralasqannan keıin ǵana mekteptegi jaǵdaı ońala bastady. Aýdandaǵy quzyrly organdar aı baǵyp otyr ma?

Aımaq basshysy Ábilqaıyr Sqaqov atalǵan aýylǵa arnaıy bar­dy. Aýdan ákimi Qarshyǵa Arynov pen oblystyq bilim berý bas­qar­masynyń basshysy Dinıslam Bolathanulyna qatań sógis jarııa­la­dy. «Osyndaı olqylyqtardy bol­dyrmaý úshin aýdanda jeke kó­­mir saqtaý qoımasy qajet. Al­dyn ala jospar quryp, qatty otynnyń qoryn jasaýǵa bolmas pa edi? Birneshe kúnniń ishinde-aq mekteptiń terezelerin muz basyp ketti. Ǵımaratty jylytyp, oqýshylarǵa jaıly jaǵdaı jasaý úshin taǵy ýaqyt kerek ekeni bel­gi­li. Atalǵan oqý ornynda oryn alǵan jaǵdaı sheneýnikterdiń bıý­ro­krattylyǵy men máseleni jan-jaqty saralamaıtynyn kórse­tip berdi», dedi oblys ákimi.

Aýdan basshylyǵy búginde mek­tep­tegi aýa temperatýrasy ta­lap­­qa saı ekenine sendirdi. 20 aqpan kúni 25 tonna, kelesi kúni taǵy 15 tonna qatty otyn jetki­zil­gen.

Oblystyq energetıka jáne turǵyn úı basqarmasynyń basshy­sy Erjan Salhanov kómir ke­nish­terinde qatty otyn tapshy­lyǵy joq ekenin aıtty. Aımaq­ta­ǵy negizgi kenishterdiń biri «Maıkóben-Vest» JShS-i táý­ligine 200 júk kólikke qyzmet kórsetýge qaý­qarly. Búginde kú­nine shamamen 50-ge jýyq kólik kezekte turady eken.

Jergilikti qoǵam belsendisi Erkeǵalı Janǵazy bul máselege qa­tysty pikirin áleýmettik jelide jarııalady.

– Bilim jáne ǵylym mınıs­tri Ashat Aımaǵambetov aýdan jáne qalalyq bilim berý bó­limderin tikeleı oblystyq bi­lim basqarmasyna baǵynyshty etý týraly zań qabyldaǵanda Áýelbek aýylyndaǵy jaǵdaı sııaq­ty táýekelderdiń týyndaıtyny jó­ninde aıtyldy. Bul másele aýyl ákimi men aýdandyq TÚKSh bóli­miniń bastyǵy, ári ketse aýdan áki­mi­niń orynbasarynyń deń­ge­ıin­de sheshilýi kerek. Múldem bolmaı jatsa aýdan ákimi aralasady.

Al qazir osy suraqqa oblys ákimi ózi tikeleı aralasýǵa máj­búr. Onda aýdan ákimi men bilim bas­qarmasynyń basshysy ne is­tep otyr degen suraq týyndaıdy. Bul jerde másele mindet­terdiń durys bólinbeýinde. Aýdan ákim­i­niń tikeleı aralasýǵa óki­leti joq, alaıda mektep aýdanǵa qaraı­dy. Basqarma bastyǵy jaýapty, biraq ol 24 saǵat jumys istese de búkil oblystyń mektepteriniń shar­ýa­shy­lyq máselelerin sheship úlger­meı­di.

Zań qabyldanarda oblysqa oqý-tárbıe máselesi berilip, sharýa­shy­lyq-qarjy máselesi aýdan­dar men qalalarda qalsyn degen usynys boldy. О́kinishtisi sol, eskerilmedi. Aýdan ákimi men bilim basqarmasynyń bastyǵyna qatań sógis jarııalanypty. Meniń oıymsha, olardy jumystarynan shy­ǵa­ryp tastasa da eshteńe ózger­meı­di. Áýelbek aýylyndaǵy sııaqty jaǵdaılar áli qaıtalanady. Dury­sy zańǵa ózgerister engizý, dep oıyn ortaǵa saldy ol.

Shynymen de mundaı jaǵdaı kez kelgen aýyl mektebinde oryn alýy múmkin. Ony bastan keship jat­qandar da bar shyǵar. Muny ob­lystyq bilim berý basqar­ma­sy­nyń basshysy Dinıslam Bolat­han­uly­nan suraıyn dep edik. Jeke brıfıng ótkizemin dep at-tonyn ala qashty. Josparlaǵan jıyny bel­gi­siz sebeppen ótpeı qaldy. Shal­­ǵaı aýyldardaǵy mekteptiń jaǵ­­daıyn bilmegen soń áli kúnge de­ıin aqparat jınap jatqan bolar?!

Pavlodar oblysy