Qazirgi naryq zamanyna oraı eldiń kóbi saýda jasap, kún kóredi. Ásirese qala ishindegi qara bazarlarda halyq tyǵyz ornalasqan. Báriniń de jan baǵý, paıda tabý sııaqty maqsaty bar.
Alaıda barlyq bazarda zańnamaǵa sáıkes sanıtarlyq-epıdemııalyq talaptarmen qatar, órt qaýipsizdigi, sáýlet, qurylys, veterınarlyq, ekologııalyq jáne basqa da talaptar saqtalýy kerek-aq. Bir sózben aıtqanda, bazar barlyq jaǵynan qaýipsiz bolýǵa tıis. Degenmen Taraz qalasyndaǵy birqatar bazarda atalǵan talaptardyń kóbi saqtalmaı otyr. Jergilikti bılik tarapynan bazar qojaıyndaryna talaı ret eskertý aıtylǵanymen, nátıjesi mardymsyz.
Oblys ortalyǵynda ornalasqan eń úlken bazar – «Aýyl-Bereke» bazary. Kóne shahardyń kópshilik turǵyny osy jerden nesibesin taýyp keledi. Biraq órt sóndirý qyzmeti bazarlarǵa tekserý júrgizgen kezde, osy «Aýyl-Bereke» bazarynda órt qaýipsizdigi talaptarynyń buzylýynyń 4 deregi anyqtalǵan. Sonymen qatar «Bek» bazarynda 5 jáne «Myńbulaq» bazarynda 4 derek tirkelgen. О́rt shyqqan jaǵdaıda bul bazarlar qaýiptiń aldyn alýǵa daıyn emes. Sondaı-aq qala ishindegi «Dáýlet», «Jibek joly», «Saltanat», «Arzan», «Nuraly», «Iаkka saraı», «Bereke» jáne «Ysty» sııaqty 8 bazarǵa jańǵyrtý jumystaryn júrgizý qajet eken. Bul oraıda, saýda oryndarynyń ıeleri bul jumysty bıylǵy naýryz-sáýir aıynan bastaıtyndaryn aıtyp otyr.
Jalpy, óńirdegi bazarlardy jańǵyrtý kún tártibindegi kúrdeli máseleniń biri. Bul rette Jambyl oblysynyń ákimi Berdibek Saparbaev jergilikti bazarlardyń jaıyn atap kórsetip, oǵan jańǵyrtý jumystarynyń júrgiziletinin aıtqan. Al, ony jańǵyrtý jumysy jergilikti bılik organdarymen bekitilip, «Dızaın kodqa» sáıkes kelýi kerek.
Qazirgi kezde Taraz qalasynyń ákimi Erjan Jylqybaev jaýapty mamandarǵa «Aýyl-Bereke» bazaryndaǵy áleýmettik mańyzy bar azyq-túlik pen basqa da ónimderdiń baǵasyn baqylaýda ustaýdy tapsyrǵan. Atalǵan saýda orny qalalyqtardyń eń kóp baratyn jeri bolǵandyqtan, mundaǵy baǵa turaqtylyǵy da mańyzdy. Biraq «Aýyl-Bereke» bazaryndaǵy
1 402 satýshynyń jartysynda jeke kásipkerlik qujaty joq bolyp shyqty. Osy oraıda, qala ákimi bul máselege baılanysty júıeli ári tyńǵylyqty tekserý jumystaryn júrgizip, tıisti qujattardy túgendep, kassalyq apparattaryn ornatýdy talap etý qajettigin aıtýda. Bul talaptardyń barlyǵy derlik oryndalsa, qaladaǵy saýda nysandarynyń turǵyndarǵa qyzmet kórsetý sapasy artyp, árbir bazar qaýipsiz orynǵa aınalatyn edi.
Jambyl oblysy