Keshe Almatyda Bilim jáne ǵylym mınıstrliginiń qoldaýymen Qazaq ulttyq agrarlyq ýnıversıteti men halyqaralyq «Glıýon» (IIC «Gluon», Máskeý, Reseı) zııatkerlik klýby aýyldyń daryndy jastary arasynda «Intellektýaldy marafon» atty I halyqaralyq olımpıadasyn bastady.
Buǵan Qazaqstan, Reseı jáne basqa da shet memleketterdiń mektep oqýshylary qatysýda. 30 naýryzǵa deıin júretin jarysta aýyldaǵy daryndy jastardy anyqtaý arqyly olardyń shyǵarmashylyq jáne zııatkerlik áleýetin damytý maqsat tutylady.
Sondaı-aq bul bastama aýyldy jerdegi mektep oqýshylarynyń aqparattyq-bilim alý ortasyn keńeıtýdi, izdenistik esepterdi sheshý daǵdylaryn damytýdy, ǵylymı bilimniń keń taraýyna yqpal jasaýdy kózdeıdi.
Úsh týrdan turatyn olımpıada jyl saıyn matematıka, ınformatıka, hımııa, ekologııa, bıologııa, fızıka pánderi men ǵylymı jobalar boıynsha keshendi túrde ótetin bolady. Qazaqstandyq jeńimpaz oqýshylar Qazaq ulttyq agrarlyq ýnıversıtetinde oqý úshin oblystyq ákimdiktiń jáne agrarlyq kásiporyndar men sharýashylyqtardyń granttarymen marapattalady.
Aınash ESALI,
«Egemen Qazaqstan».
ALMATY.