Qaraǵandy oblysyndaǵy polısııa qurylymdaryna «Qazaqmys» korporasııasy jomart tartý jasady. Naqtyraq aıtqanda, jol-patrýldik qyzmetine jáne Jezqazǵan, Sátbaev, Balqash qalalary men Ulytaý aýdanynyń ýchaskelik ınspektorlaryna 48 Chevrolet Cobalt avtokóligi, segiz JAC 7 avtokóligi, alty fýrgon, eki jol talǵamaıtyn kólik, eki qarda júretin kólik, sondaı-aq eki avtobýs, barlyǵy 68 birlik kólik tehnıkasyn tartý etti.
Polısııa basshylyǵy quqyq qorǵaý organdarynyń avtoparkin tolyqtyrý tártip saqshylarynyń jedel áreket etýine, sondaı-aq qoǵamdyq jáne jol qaýipsizdigin qamtamasyz etýge oń áserin tıgizetinin aıtady.
Sondaı-aq korporasııanyń qoldaýymen Jezqazǵan, Sátbaev, Balqash qalalary jáne Ulytaý aýdandarynda 26 ýchaskelik pýnkt pen polısııa bólimderinde aǵymdaǵy jóndeý jumystary júrgizilip, olarǵa 119 jıhaz jıyntyǵy satyp alyndy. Polısııa qyzmetkerleri úshin qysqy, maýsymdyq jáne jazǵy forma kıim-keshektiń 444 jıyntyǵy tapsyryspen tigilgen.
Modýldik úlgidegi eki stasıonarlyq polısııa pýnkti ornatyldy, jumysqa qajetti uıymdastyrý tehnıkasy, 690 birlik planshet, vıdeojeton, radıostansa, derekterdi júkteý jáne túsirý pos-termınaldary, termoprınter satyp alyndy.
Alpaýyt kásiporyn munymen ǵana shektelmeı, óńir ákimdigi men «Qazaqmys» korporasııasy arasyndaǵy uzaq merzimdi yntymaqtastyq týraly memorandýmǵa otyrdy. Iаǵnı osy kelisim aıasynda atalǵan óńirde «Qaýipsiz aýla» qanatqaqty jobasy júzege asyryla bastady. Atap aıtqanda, kompanııa qarajaty esebinen Jezqazǵanda Esenberlın kóshesinde beınekameralar ornatyldy. Sonymen birge jedel basqarý ortalyǵy paıdalanýǵa berildi.
Budan bólek, aldaǵy ýaqytta Sátbaev qalasyndaǵy «Nurly-Meken» shaǵynaýdanynda «Qaýipsiz aýdan» beınebaqylaý júıesiniń aýqymdy jobasyn iske qosý jáne ýchaskelik polısııa pýnkti úshin jeke turǵan ǵımaratty satyp alý josparda bar.
Qaraǵandy oblysy