Jalpyhalyqtyq mereke – Alǵys aıtý kúni elimizdegi jetekshi partııaǵa «Amanat» degen ataý berildi. Bul – ózgeris kezeńindegi jaqsylyqtyń nyshany.
Memleket basshysy Qasym-Jomart Kemeluly Toqaev partııanyń kezekten tys sezinde sóılegen sózinde atalǵan saıası jańa ataý týraly «Bul – elimiz úshin de, ultymyz úshin de aıryqsha máni bar kıeli uǵym», dep aıta kelip: «Memlekettilik, dástúr jalǵastyǵy, urpaq sabaqtastyǵy degenimiz, mine, osy. Halqymyz eshqashan amanatqa qııanat jasamaǵan. Partııa bul qaǵıdatty berik ustanady», dedi.
Sezde asa mańyzdy eki másele qaraldy. Birinshisi, partııa Saıası keńesiniń quramyna ózgerister engizý, ekinshisi partııanyń búgingi zaman talabyna saı modernızasııasy. Osy aıtylǵan máselelerdi talqylaýdyń nátıjesi retinde Memleket basshysy 16 naýryzda saıası reformalardyń jańa baǵdarlamasyn jarııalaıtynyn jetkizdi.
Bul – naqtylyqtyń kórinisi. Júrek kúpti bolsa da, senim – úlken. Biz táýelsiz elmiz. Osy bir almaǵaıyp zamandaǵy oń ózgeriske umtylys el ómirine jańalyq pen jaqsylyq ákeledi degen úmittemin. О́zgeris kerek. О́zgeris ózgeris úshin emes, eldiń bolashaǵyna qyzmet etý úshin kerek. Memleket basshysynyń: «Men úshin eń basty qundylyq – Qazaqstannyń táýelsizdigi» degen sózi – barshamyzǵa amanat!
Syn túzelmeı, min túzelmesi anyq. «Biz jas kadrlarǵa jol bermeımiz. Bul – bizdiń basty kemshiligimiz», dedi Memleket basshysy. Jańarýdyń basy jastarǵa jol berý bolmaq. Amanat partııasy – Jańa Qazaqstandy qurýǵa uıytqy bolsyn. El aman, jurt tynysh, bolashaq zor bolsyn.
Turdyqul ShAŃBAI,
«Abaıdyń «Jıdebaı-Bórili» memlekettik tarıhı-mádenı jáne ádebı-memorıaldy
mýzeı-qoryǵynyń dırektory