Kenshiler astanasyndaǵy Abaı atyndaǵy balalar kitaphanasynyń qorynda jalpy sany 138 628 kitap bar eken. Jýyrda Halyqaralyq kitap syılaý kúninde atalǵan mekemeniń sóresi 27 jańa týyndymen tolyqty.
Syıǵa tartylǵan eńbekterdiń arasynda Qazdaýysty Qazybek bıdiń ómirinen syr shertetin «Ǵasyrlar danalyǵy – babalar murasynda» kitap-fotoalbomy, Qazaqstannyń jas sýretshileriniń «Tarıhym – búginim, erteńim!» túrli tústi sýretter jınaǵy men Elena Klepıkovanyń qazaq jáne orys tilderinde jaryq kórgen «Jetisýdyń ertegileri» atty kitaptary bar.
Bul eńbekterdi kitaphanaǵa oblys ortalyǵyndaǵy «Saryjaılaý» kınoteatry men BAURZHAN foundation jeke qory tartý etken.
Atalǵan kitaphananyń ınnovasııalyq jáne ádistemelik jumys bóliminiń basshysy Sáýle Júsipova mekemeniń de merekege oraı jomart tartý jasaǵanyn aıtady. Mysaly, kitaphana qaladaǵy Abaı atyndaǵy mektep-gımnazııaǵa, turaqty oqyrmandaryna 20 kitap jáne birneshe dana jýrnal syılaǵan.
Joǵaryda aıtyp ótkenimizdeı, kitaphana qoryndaǵy 138 628 kitaptyń 32 196-y ǵana memlekettik tilde eken. Al ótken jyly 3 161 kitap kelip tússe, onyń 1 632-si qazaq tilindegi týyndylar bolǵan. Abaı atyndaǵy balalar kitaphanasynyń basshylyǵy bolsa, ýaqyt ótken saıyn memlekettik tildegi kitaptarǵa degen suranystyń artyp kele jatqanyn aıtady.
QARAǴANDY