Búgin Aqparat jáne qoǵamdyq damý mınıstrliginiń keńeıtilgen alqa otyrysy ótti, basqosý barysynda ótken jyldyń qorytyndylary shyǵarylyp, aǵymdaǵy jylǵa arnalǵan josparlar talqylandy, dep habarlaıdy Egemen.kz.
Otyrysqa QR Prezıdenti Ákimshiliginiń ókilderi, QR Parlamenti Májilisiniń depýtattary, úkimettik emes jáne dinı uıymdardyń, etnomádenı birlestikter men BAQ ókilderi qatysty. Mınıstr Asqar Ýmarov 2021 jyldyń negizgi qorytyndylary men vedomstvonyń 2022 jylǵa mindetteri týraly aıtyp berdi.
«Aqparat jáne qoǵamdyq damý mınıstrligi 2021 jyly aýqymdy jumys atqardy. Sonymen birge, zaman ózgerisine saı Memleket basshysy men Úkimet mınıstrliktiń basym baǵyttaryn jańa formatta iske asyrýdy tapsyrdy», dep atap ótti Asqar Ýmarov.
Mınıstr óz baıandamasynda 2022 jyly mınıstrliktiń barlyq baǵyttary boıynsha jumys aqparat salasyn damytý jáne azamattyq qoǵammen ózara is-qımyl tetikterin jetildirýge baǵyttalatynyn atap ótti. Osylaısha ol 2021 jyly ótken Qazaqstannyń X Azamattyq forýmynyń qorytyndysy boıynsha ÚEU, BAQ, bıznes jáne jalpy azamattyq sektor ókilderinen 1000-nan astam usynystar men usynymdar kelip túskenin atap ótti. Mınıstrdiń aıtýynsha, qoǵamnan kelip túsetin barlyq syndarly usynystar nazardan tys qalmaıdy jáne Mınıstrlik pen basqa da múddeli memlekettik organdar tarapynan egjeı-tegjeıli zerdelenedi.
Vıse-mınıstr Aleksandr Danılov memlekettik jastar saıasatyn iske asyrýdyń jańa tásilderi týraly aıtyp berdi. Ol aýyl jastaryn jáne áleýmettik osal jastardy áleýmettendirý, kásibı baǵdarlaý, jumysqa ornalastyrý boıynsha usynylǵan sharalar týraly málimdedi. Sonymen qatar, «Qoǵamdyq kelisim» RMM qyzmeti týraly Ǵalymjan Qusmanǵalıdiń baıandamasymen etnosaralyq qatynastardy damytý salasynda atqarylyp jatqan jumystar týraly baıandaldy.
Sondaı-aq, negizgi spıkerler arasynda azamattyq qoǵam ókilderi: Qazaqstan Azamattyq Alıansynyń prezıdenti Baný Nurǵazıeva, Qazaqstan Internet assosıasııasynyń prezıdenti Shavkat Sabırov sóz sóıledi. Olar Aqparat jáne qoǵamdyq damý salasyndaǵy ózekti máselelerge toqtalyp, ózderiniń naqty usynystaryn aıtty.