QR Ulttyq banki aqshany aıyrbastaý pýnkterinde shetel valıýtasyn satyp alý baǵasy satý baǵasynan aýytqý shegin belgileıtin joba ázirledi, dep habarlaıdy Egemen.kz.
«QR Ulttyq banki «Aıyrbastaý pýnkteri arqyly júrgiziletin operasııalar boıynsha shetel valıýtasyn teńgege satyp alý baǵamynyń satý baǵamynan aýytqý shekterin belgileý týraly» «QRUB Basqarmasynyń 2020 jylǵy 14 shildedegi №86 qaýlysyna ózgeris engizý týraly» jobanyń ázirlenip jatqanyn habarlaıdy.
Joba aıyrbastaý pýnkteri arqyly júzege asyrylatyn operasııalar boıynsha qolma-qol shetel valıýtasyn satyp alý baǵamynyń satý baǵamynan aýytqý shekterin AQSh dollary úshin – 6 teńgeden 15 teńgege, eýro úshin – 7 teńgeden 20 teńgege deıin arttyrýdy usynady, qoldanylý merzimi 2023 jyldyń 1 qańtaryna deıin. Usynylyp otyrǵan ózgerister, eń aldymen, valıýta naryǵyndaǵy alypsatarlyq áreketterdi azaıtýǵa, sonymen qatar valıýta baǵamy tóńiregindegi qubylmalylyqtyń kúsheıýine baılanysty qarjy naryǵyna qatysýshylardyń táýekelderin seıiltýge baǵyttalǵan», - delingen UB habarlamasynda.