QR Densaýlyq saqtaý mınıstri Ajar Ǵınııat Atyraý oblysynda medısınalyq qyzmetpen nashar qamtylǵan eldi mekenderdi atady, dep habarlaıdy Egemen.kz.
«Respýblıkalyq komıssııa jumysynyń aıasynda Almaly, Berekeli eldi mekenderine barǵanda keleshegi bar, perspektıvaly aýyldarda durys medısınalyq ǵımarattardyń joqtyǵy baıqaldy. Medısına qyzmetkerlerine, ásirese dárigerlerge, halyqqa da jaǵdaıdyń jasalmaǵany kózge tústi. Ákimdiktiń aqparaty boıynsha, búgingi tańda osy mekemelerdi salý úshin tıisti qujattar ázirlenýde. Kelesi jyldan bastap atalǵan eldi mekenderde medısınalyq uıymdar salý josparlanyp otyr», - dedi Ajar Ǵınııat oblystyq О́ńirlik kommýnıkasııalar qyzmetinde ótken baspasóz konferensııasynda.
«Onyń ishinde bıyl 7 obekt: Qurmanǵazy aýdanynyń Qadyrka aýylynda medısınalyq beket, Mahambet aýdanynyń Eńbekshil aýylynda medısınalyq beket, Isataı aýdanynyń Aqqystaý aýylynda feldsherlik-ambýlatorııalyq beket, Atyraý qalasynyń Bereke shaǵyn aýdanynda dárigerlik ambýlatorııa, Jylyoı aýdanyndaǵy Jańa Qaraton aýylynda dárigerlik ambýlatorııa, Atyraý qalasynyń Qara depo shaǵyn aýdanynda dárigerlik ambýlatorııa qurylysy júrip jatyr. Keıbir nysandar tipti salynyp bitýge jaqyn», - dedi mınıstr.