Soǵys bastalǵannan beri Ýkraınadan 2 mıllıon 698 myń 280 adam ketken. Bul týraly Birikken Ulttar Uıymynyń Bosqyndar isi jónindegi Joǵarǵy Komıssary basqarmasynyń saıtynda jarııalandy, dep habarlaıdy Egemen.kz.
BUU-nyń bosqyndar isi jónindegi agenttiginiń málimetinshe, Polshaǵa - 1,6 mıllıonnan astam adam, Vengrııaǵa - 246 myńnan astam, Slovakııaǵa - 195 myń, Reseıge - 105 myń, Moldovaǵa - 104 myń, Rýmynııaǵa - 84 myńnan astam, Belarýs eline - 938, basqa Eýropa elderine – 304 myńnan astam adam kóship barǵan.
Ýkraınada 2022 jyldyń 1 qańtaryndaǵy jaǵdaı boıynsha 41 mıllıon 167,3 myń adam turǵan.
Eske salsaq, 24 aqpanǵa qaraǵan túni Reseı prezıdenti Vladımır Pýtın Ýkraınanyń Donbassynda arnaıy áskerı operasııa bastalǵanyn habarlady.