Ústimizdegi mamyr aıynyń basyndaǵy tamasha merekeler qarsańynda elimizdiń rýhanı ortalyqtarynyń biri – Semeıde Qazaqstan Respýblıkasy Tuńǵysh Prezıdenti murajaıynyń kóshpeli kórmesi ashyldy. Munda alǵash ret ótkizilip otyrǵan bul kórmege 200-den astam eksponat qoıylǵan.
Olardyń ishinde túrli tarıhı qujattar kóshirmelerimen birge san ondaǵan memleket basshylary tarapynan Elbasymyzǵa tartylǵan kózdiń jaýyn alatyn naqtyly tartýlardyń túpnusqalary da bar. AQSh, Qytaı, Reseı, Úndistan jáne basqa da iri memleketter atynan syılanǵan mundaı tartýlar bizdiń egemen elimiz ben sol egemen elimizdiń shańyraǵyn shaıqaltpaı alyp kele jatqan Elbasymyzǵa degen shynaıy qurmetti ańǵartsa kerek. Shyndyǵynda, búgingi kúni Eýropa tórindegi EQYU sekildi mártebeli uıymnyń tizginin qolynda berik ustap otyrǵan, jýyrda ǵana Nıý-Iorkte ótken salıqaly sammıtte ómirsheń bastamalarymen kózge túsken, al aldaǵy jyly Islam Konferensııasy Uıymyna basshylyq etýge daıyndalyp jatqan bizdiń el qandaı qurmetke bolsyn laıyq ekendigine kimniń daýy bar.
Elimizdiń tuńǵysh Prezıdenti murajaıynyń osyndaǵy Nevzorovtar otbasy atyndaǵy kórkemóner murajaıynda ótkizilip jatqan bul kóshpeli kórmesi osy aıdyń ortasyna deıin jalǵasady.
Dáýlet SEISENULY,
SEMEI.