Memleket basshysy Qasym-Jomart Toqaevtyń «Jańa Qazaqstan: jańarý men jańǵyrý joly» atty Qazaqstan halqyna Joldaýynda aıtylǵan mańyzdy mindetterdi júzege asyrý - jas ǵalymdarǵa erekshe jaýapkershilik júktep otyr.
Búginde elimizde, sondaı aq shetelde bilim alyp jatqan jastar alǵan bilimi arqyly elimizdiń taıaý jyldardaǵy damýyna serpin beretin rýhanı, mádenı ári ekonomıkalyq keleshegi zor áleýetke ıe.
Jastar qaı salada bolsyn jyldamdyq, sıfrlyq serpilister men dástúrli bilimdi ushtastyra otyryp, ınnovasııalyq jetistikterdi is júzine asyrýǵa daıyn. Bul baǵytta bolashaǵyn shetelden izdep elden ketip jatqan jastarǵa kóńil bólý, sonymen birge aldaǵy eki úsh jylda joǵary bilim men tehnıkalyq kásiptik bilim oryndaryn bitiretin jastardyń áleýmettik ahýalyna kóńil bólý, olardy turaqty jumyspen qamtamasyz etý - ýaqyt kúttirmeıtin másele. Sonymen birge bilimdi jastardy sheteldiń úzdik oqý oryndary ǵana emes, óndiristik ortalyqtarynda tájirıbeden ótkizip, jıǵan bilimin elimizdiń damýyna baǵyttaý sharalary da keshendi júzege asýy tıis dep bilemin.
Sońǵy jyldary tehnokrat jastardy oqytý, tárbıeleý máselesi jıi kóterilip júr. Osy oraıda tehnıkalyq bilim berý oryndaryn támamdaıtyn túlekterdiń jumysqa ornalasýy, olardyń kásibı tájirıbe alańdarynda biliktilikten ótýine nazar aýdarý da mańyzdy másele. Sonymen birge elimizdegi barlyq oqý oryndary túlekteriniń forýmdaryn, dıskýssııa alańdaryn jıi uıymdastyryp otyrý jastardyń bolashaqqa degen nyq ári senimdi qadam jasaýyna yqpal etetini daýsyz.
Memleket basshysy el keleshegi jastarǵa úlken senim arta otyryp, Ulttyq ǵylym akademııasy men ǴZI ǵalymdarynyń belsendiligine senim artady. Ekonomıkalyq, áleýmettik sektorda qordalanǵan máselelerdiń sheshimin tabýy naqty is pen kásibı baǵdarǵa baılanysty ekeni belgili. Osyǵan oraı jastardyń kásibı ósýi, bilikti maman deıgeıine jetýin maqsat etetin ortalyqtardyń joǵary oqý oryndary janynda belsendi jumys istegeni mańyzdy. Ol belgili bir dárejedegi jas mamandardy ǵana emes, kreatıvti, oıy ushqyr kez kelgen jastyń tájirıbe alańyna aınalýy tıis dep bilemin.
Otansúıgishtik, ulttyq qundylyqtardy nyǵaıtý jolyndaǵy memlekettik baǵdarlamalardy júzege asyrýda jastardy shet qaldyrmaı, tárbıe oshaqtarynyń barlyq deńgeıinde basty baılyǵymyz – Táýelsizdigimizdiń tuǵyryn saqtaý men ulttyq biregeılikti nyǵaıtý, elimizdiń jańarýyna baǵyttalǵan jobalardy júzege asyrýdyń mańyzdy ekendigine baýlý, zamanaýı jetistikterdi el damýynyń keleshegi jolynda júzege asyrýdyń mańyzdylyǵyn túsindirý qoǵamdyq ómirdiń barlyq salasyna qatysty bolýy qajet. Joldaý árbir otbasy múshesin, árbir azamatty jigerlendirip, bilimdi bolýǵa, alǵan biligin el damýyna baǵyttaýǵa degen serpiliske bastaıdy degen senim zor.
Tımýr ÁPENDIEV, Sh.Ýálıhanov atyndaǵy Tarıh jáne etnologııa ınstıtýtynyń
Tarıhı demografııa jáne Qazaqstan halqy Assambleıasy bóliminiń meńgerýshisi.