Shanhaı bıligi koronavırýs indetiniń órshýine baılanysty qatań karantın jarııalady, dep habarlaıdy Egemen.kz.
27-31 naýryz aralyǵynda shekteý sharalary megapolıstiń Hýanpý ózeniniń shyǵysynda, kelesi bes kúnde qalanyń batys bóliginde qoldanylady. Karantın oryndarynda halyqtyń tynys-tirshiligin qamtamasyz etýge qatysy joq kásiporyndar men qoǵamdyq kóliktiń jumysy toqtatylady. Karantın kezeńinde turǵyndar asa qajettiliksiz úıden shyqpaýy kerek.
Bir kún buryn 26 mıllıon halqy bar Shanhaıda aýrýdyń 3450 jańa jaǵdaıy anyqtalǵan. Salystyrmaly túrde, búkil Qytaıda, sonyń ishinde Shanhaıda, kúnine 5134 jańa sımptom jáne 1219 jaǵdaı tirkeldi.
«Bizdiń qalamyzda bul aýqymdy indetti taratpaý óte mańyzdy. Vırýs juqtyrǵan adamdar baqylaýǵa alynǵannan keıin biz vırýstyń taralýyn toqtatamyz», dedi jergilikti Covid saraptama tobynyń múshesi Vý Fan.