2022 jylǵy 28 aqpannan bastap Kaspi bank klıentterine belgilengen merzimde salyq eseptiligin tabys etý qajettiligi týraly PUSH-habarlamalary jiberilýde. Bul týraly Qarjy mınıstrliginiń Memlekettik kirister komıtetinde habarlady.
Kaspi bankpen yntymaqtastyq sheńberinde salyq mindettemelerin ýaqtyly oryndaý boıynsha qolaıly jaǵdaılar jasaý maqsatynda salyq tóleýshiler bolyp tabylatyn bank klıentterine (jeke tulǵalarǵa, dara kásipkerlerge, jeke praktıkamen aınalysatyn azamattarǵa) PUSH-habarlamalarǵa belgilengen merzimde salyq eseptiligin tabys etý qajettigi týraly joldaý boıynsha servıs iske qosyldy. Osy baǵyttaǵy jumys basqa ekinshi deńgeıdegi banktermen de júrgizilýde.
«Salyq kodeksi normalaryna sáıkes memlekettik kirister organdary belgilengen merzimderde salyq mindettemeleriniń oryndalýy boıynsha salyqtyq baqylaý júrgizedi. Osyndaı baqylaý aıasynda salyq tóleýshige (salyq agentine) tıisti habarlama, onyń ishinde zańda belgilengen merzimde salyq eseptiliginiń tabys etilmegeni týraly habarlama jiberiledi», dep túsindirdi Memlekettik kirister komıtetinde.
Habarlama belgilengen merzimde oryndalmaǵan jaǵdaıda, memlekettik kirister organdary salyq tóleýshilerge (salyq agentterine) qatysty merziminde oryndalmaǵan salyq mindettemesiniń oryndalýyn qamtamasyz etýdiń zańdy tásilderin qoldanady:
- bank shottary boıynsha shyǵys operasııalaryn toqtata turý;
- Ákimshilik quqyq buzýshylyq týraly kodekstiń 272-baby boıynsha ákimshilik jaýaptylyqqa tartý.
Kórsetilgen jaǵdaılaryn azaıtý jáne boldyrmaý maqsatynda salyq tóleýshilerge push-habarlamalar salyqtyq eseptilikti jasaý jáne tabys etý boıynsha salyqtyq mindettemelerdi oryndaý merzimi bastalǵanǵa deıin jáne aıaqtalǵannan keıin jiberiletin bolady.
Sondaı-aq MKK-de 2022 jylǵy 31 naýryzda 2021 jylǵa jyldyq salyq eseptiligin, 2022 jylǵy 15 mamyrda 2022 jylǵy 1 toqsanǵa toqsandyq eseptilikti tabys etý merzimderi aıaqtalatynyn eske saldy.
«Osyǵan baılanysty, sońǵy kúnderi jappaı eseptilik tapsyrýdyń nátıjesinde týyndaıtyn júktemelerdi boldyrmaý úshin salyqtyq eseptilikti aldyn ala tabys etýdi usynamyz nemese Salyq kodeksiniń 212-babyna sáıkes elektrondy nysanda eseptilik usynylǵan jaǵdaıda, tabys etý merzimderin uzartý úshin mehanızm standarttaryn aldyn ala paıdalanýdy qosymsha eske salamyz», dep eskertti MKK-de.
Salyqtyq eseptiligin toltyrý jáne tabys etý boıynsha suraqtar týyndaǵan jaǵdaıda Tehnıkalyq paıdalanýshylardy qoldaý qyzmeti STK/SEО́J sonosd@kgd.minfin.gov.kz jumys isteıdi.