On besinshi sáýir kúni Ulybrıtanııa astanasy London qalasynda uıymdastyrylatyn boks keshinde qazaq oǵlany Sultan Záýirbek kezekti jekpe-jegin ótkizedi, dep habarlaıdy Egemen.kz sports.kz-ke silteme jasap.
Ekinshi jartylaı jeńil salmaq dárejesinde baq synap júrgen otandasymyz kezekti kezdesýinde maltalyq Haıtem Laamýzben qolǵap túıistiredi.
Bul jekpe-jekte Sultan ózine tıesili WBO European beldigin qorǵaıdy.
Jekpe-jektiń reıtıngin belgileıtin áıgili BoxRec saıty bul shaıqasty eki juldyzben baǵalapty. Ýaqyt ótken saıyn reıtıngi jaqsy qarsylastarmen kezdesýge bekingen Sultannyń bes juldyzdy boksshylarmen judyryqtasatyn kezi alys emes dep oılaımyz.