Soltústik Qazaqstan oblysynda «Sevkazenergo» AQ Bas dırektory ustaldy, dep habarlaıdy Egemen.kz.
Qamaýǵa alý faktisin polısııa departamentiniń baspasóz qyzmeti rastady.
«Birinshi sáýirde QR Qylmystyq is júrgizý kodeksiniń 128-baby tártibinde Soltústik qazaqstan oblysy polısııa departamentiniń qyzmetkerleri «SEVKAZENERGO» AQ Bas dırektory Petropavl qalasy polısııa basqarmasynyń ýaqytsha ustaý ızolıatoryna qamaldy. Qylmystyq isti tergeý IIM, Prokýratýra jáne polısııa departamenti basshylyǵynyń baqylaýynda», dep túsindirdi baspasóz qyzmeti.
Eske sala ketsek, 20 naýryzda Petropavl 2-JEO-da úsh tútin qubyrynyń bireýi ishinara qulady. Kásiporyn qyzmetkeri qaıtys boldy, onyń denesi 22 naýryz kúni tańerteń úıindilerdiń astynan tabyldy. Sol kúni oblys prokýratýrasy Petropavl 2-JEO dırektory men bas ınjeneriniń ustalǵanyn habarlady.
Prezıdent tez arada oblys ortalyǵy men basqa da eldi mekenderdiń turǵyndaryna jylý berýdi qamtamasyz etýdi tapsyrdy.
Oblys ákimi Qumar Aqsaqalov jylýmen qamtý bir táýlik ishinde qalpyna keltiriletinin málimdedi.