2022 jylǵy 4 sáýirde saǵat 10:00-de «О́skemen-Rahman qaınary» ýchaskesinde (435 jáne 437 kılometr) kólemi 360 tekshe metr qar kóshkini ózdiginen shyǵyp ketti, dep habarlaıdy Egemen.kz ShQO TJD-ǵa silteme jasap.
«Qar massasy joldy tolyǵymen jaýyp tastady. Jaraqat alǵandar joq. Qazirgi ýaqytta avtojolda avtokóliktiń barlyq túrlerine shekteý engizildi. Oqıǵa ornynda «Qazavtojol» JShS tehnıkasy jumys isteýde», dep habarlady TJD.
«Qazseldenqorǵaý» ShQO fılıalynyń mamandary aǵymdaǵy qysqy kezeńde profılaktıkalyq túsirýler sheńberinde 128 490 tekshe metrge jýyq qar túsirgen jumystarǵa qaramastan, oblysta qar kóshkini qaýpi saqtalýda.
Esterińizge sala keteıik, oblysta 497 kóshkin qaýpi bar oshaqtar bar, olardyń 336-sy qurylystarǵa, avtojoldarǵa jáne adamdardyń ómirine qaýip tóndiredi.
Qazseldenqorǵaý jáne ShQO TJD mamandary kóshkin qaýpi bar oshaqtardan ótý kezinde turǵyndarǵa óte muqııat bolý, olardyń janynda toqtamaý, sondaı-aq daýyldy eskertý kezinde taýǵa barmaý qajettigi týraly eskertedi.
Ázirge oblysta daýyldy eskertý 7 sáýirge deıin sozyldy.
Tótenshe jaǵdaı kezinde «112» nómiri boıynsha habarlasýǵa bolady.