QR Mádenıet jáne sport mınıstriniń buıryǵymen mádenıet salasyndaǵy birqatar vedomstvolyq baǵynysty uıymdardyń basshylary taǵaıyndaldy, dep habarlaıdy Egemen.kz vedomstvonyń saıtyna silteme jasap.
Jeńis Seıdýllauly «J.Elebekov atyndaǵy respýblıkalyq estrada-sırk kolledji» RMQK dırektory qyzmetine taǵaıyndaldy. Jeńis Seıdýllauly 1962 jyly 14 mamyrda Qyzylorda oblysynda dúnıege kelgen. 1982 jyly Shymkent mýzyka ýchılıshesin bitirgen, T. Júrgenov atyndaǵy Qazaq ulttyq óner akademııasynyń túlegi. Ár jyldary «Arqas» ansambliniń aspapshy-artısi, «Gúlder» memlekettik ansambliniń bas dırıjeri, Súıinbaı atyndaǵy Almaty oblystyq fılarmonııasynyń solısi bolyp jumys istegen. «Gúlder» ansambliniń dırektory, Almaty qalasy «Qazaq áýenderi» AQ óńirlik dırektory, T.Júrgenov atyndaǵy Qazaq ulttyq óner akademııasynyń shyǵarmashylyq jumys jáne syrtqy baılanystar jónindegi prorektory, J.Elebekov atyndaǵy respýblıkalyq estrada-sırk kolledjiniń dırektory qyzmetterin atqarǵan. 2016-2018 jyldary Jambyl atyndaǵy qazaq memlekettik fılarmonııasynyń dırektory bolǵan, 2018 jyldan bastap qazirgi ýaqytqa deıin «Qazaqkonsert» uıymyn basqarǵan.
Zýra Jumahmetova «O.Tańsyqbaev atyndaǵy Almaty sándik-qoldanbaly óner kolledji» RMQK dırektory qyzmetine taǵaıyndaldy.
Zýra Jumahmetova 1967 jyly 4 qazanda Almaty oblysynda dúnıege kelgen. 1989 jyly Abaı atyndaǵy Qazaq pedagogıkalyq ınstıtýtyn bitirgen. 2004-2013 jyldar aralyǵynda T.Júrgenov atyndaǵy Qazaq ulttyq óner akademııasynyń oqý-ádistemelik bóliminiń jáne oqý bóliminiń meńgerýshisi bolyp qyzmet etken. 2013-2015 jyldary T. Júrgenov atyndaǵy Qazaq ulttyq óner akademııasynyń mektep-ınternat, kolledj basshysynyń oqý isi jónindegi orynbasary, 2015 jyldan bastap qazirgi ýaqytqa deıin T.Júrgenov atyndaǵy Qazaq ulttyq óner akademııasynyń mektep-ınternat, kolledjiniń basshysy qyzmetin atqarǵan.
Gúlaıym Jumabekova «Ábilhan Qasteev atyndaǵy QR Memlekettik óner mýzeıi» RMQK dırektory qyzmetine taǵaıyndaldy.
Gúlaıym Jumabekova 1966 jyly 20 maýsymda Almaty qalasynda dúnıege kelgen. 1989 jyly Abaı atyndaǵy Qazaq pedagogıkalyq ınstıtýtyn bitirgen. 1991 jyldan 2013 jylǵa deıin ár túrli laýazymdardy atqarǵan, Á.Qasteev atyndaǵy óner mýzeıinde ekskýrsııa júrgizýshi, redaktor, ǵylymı qyzmetker, aǵa ǵylymı qyzmetker, zergerlik óner sektorynyń basshysy laýazymynda bolǵan. 2013 jyldan bastap qazirgi ýaqytqa deıin qoldanbaly óner bóliminiń basshysy qyzmetin atqardy.
Asylbek Baıajuma «Geraldıkalyq zertteýler ortalyǵy» RMM dırektory qyzmetine taǵaıyndaldy.
Asylbek Baıajuma 1978 jyly 25 jeltoqsanda Mońǵolııa astanasy Ulan-Batyr qalasynda dúnıege kelgen. 2001 jyly Kókshetaý ýnıversıtetin «Saıasattaný» mamandyǵy boıynsha bitirgen. Ár jyldary Aqmola oblysynyń ishki saıasat salasynda qyzmet istegen, 2019 jylǵy shildeden bastap qazirgi ýaqytqa deıin Qazaqstan Respýblıkasy Aqparat jáne qoǵamdyq damý mınıstrligi Din isteri komıtetiniń jıyntyq taldaý jáne josparlaý basqarmasynyń basshysy qyzmetin atqarǵan.