8 sáýirde Qapshaǵaı qalasynda jas jubaılar asýly kúıinde tabyldy. Jigit 22 jasta bolsa, al jas kelin nebári 18 jasta, dep habarlaıdy Egemen.kz Almaty oblysy PD baspasóz qyzmetine silteme jasap.
«Erli-zaıyptylardyń (22 jastaǵy jigit pen 18 jasar qyz) máıitteri 8 sáýirde Qapshaǵaı qalasynda qalalyq janar-jaǵarmaı beketteriniń birine jaqyn mańnan tabyldy. Jábirlenýshiler asýly turdy. Syrttaı tekserý kezinde zorlyq-zombylyq belgileri tabylǵan joq, sondyqtan erli-zaıyptylar óz-ózderine qol jumsaýy múmkin dep boljam jasaýǵa bolady», delingen habarlamada.
Qazirgi ýaqytta atalǵan fakt boıynsha barlyq mán-jaılar anyqtalyp jatyr. Túpkilikti prosessýaldyq sheshim sot-medısınalyq saraptama nátıjeleri boıynsha qabyldanatyn bolady.
Tergeý múddesi úshin tolyǵyraq aqparat jarııa etýge jatpaıdy.