Petropavlda polıseıler men qutqarýshylar jardan qulap ketken 18 jastaǵy qyzdy qutqardy, dep habarlaıdy Egemen.kz Polisia.kz saıtyna silteme jasap.
Zarechnyı aýylynyń turǵyny Esil ózeniniń qarsy jaǵasynda adam jatqanyn kórip, bul týraly «102» arnasyna habarlaǵan. Keıin aqparat jaqyn mańdaǵy quramynda ınspektor Erik Jetýbaev pen Petropavl patrýldik polısııa batalonynyń aǵa ınspektory Tólegen Aldabergenov bar avtopatrýlge berilgen. Oqıǵa ornyna jetken polısııa qyzmetkerlerine turǵyn kómektesken.
«Birneshe mınýt ishinde biz 30 metrlik tik jardan tómen tústik. Jaǵada jatqan 18 jastaǵy qyz bolyp shyqty. Qatty tońyp qalmaýy úshin kıimimizdi kıgizip, ony kótere bastadyq. Alaıda jaǵadaǵy saz kóterilýge kedergi boldy. Jaǵdaıdy radıo arqyly Jedel basqarý ortalyǵyna habarlap, qutqarýshylar men jedel járdem shaqyrýdy ótindik», dedi T. Aldabergenov.
Qutqarýshylarmen birge qyz qaýipsiz jerge shyǵarylǵan. Medısına qyzmetkerleri der kezinde kelip, qajetti kómek kórsetken. 18 jastaǵy qyzdyń Jeńis saıabaǵy mańynda jardan qulap ketkeni anyqtaldy. Qazir qyzdyń ómirine qaýip joq. Ol otbasyna aman-esen oraldy.