Almatyda jasyl jelekterdi zııankesterden óńdeý jumystarynyń birinshi kezeńi bastalady, dep habarlaıdy Egemen.kz.
«Neǵurlym tıimdi nátıje shyǵarý úshin jasyl jelekterdi óńdeý jumystary túngi 23:00-den 06:00-ge deıin júrgiziledi», dep málimdedi Almaty ákimdiginiń baspasóz qyzmeti.
Vedomstvonyń aqparaty boıynsha, bul ýaqyt óńdeý úshin qolaıly kezeń. О́ıtkeni kún sáýlesi bolmaǵan kezde zııankesterge áser etý tıimdiligi artady.
Ákimdikte málimdegendeı, óńdeý úshin Qazaqstanda ruqsat etilgen qaýiptiligi tómen klasty bıologııalyq preparat qoldanylady.
«Preparattardyń erekshe ıisi bar, biraq qorshaǵan ortaǵa, adam densaýlyǵyna, sonymen qatar úı janýarlaryna, qustarǵa zııan keltirmeıdi», dep qosty Almaty ákimdiginiń baspasóz qyzmeti.
Jumystar búkil qala boıynsha júrgiziledi, birinshi kezeń bir aıǵa sozylady. Kelesi úsh kezeń maýsym, shilde jáne tamyz aılaryna belgilengen.
Aıana Toǵanbek