Bul týraly Aqordanyń resmı saıty málim etti, dep habarlaıdy Egemen.kz.
«Qurmetti otandastar! Elimizdiń pravoslav hrıstıandaryn Pasha merekesimen shyn júrekten quttyqtaımyn! Bul – dindarlar úshin úmit pen senimge toly, erekshe qýanyshty kún. Pasha meıramy jurtshylyqty izgilikti ister jasaýǵa yntalandyrady, jaqyndaryna janashyrlyqpen qarap, muqtaj jandarǵa kómek kórsetýge jeteleıdi. Bizdiń mádenıetimizben tyǵyz astasyp, úılesim tapqan pasha dástúrleri barlyq etnos jáne dinı nanym ókilderin baýyrlastyra túsedi.
Sondaı-aq, otbasylyq qundylyqtardy, qoǵamdaǵy ózara túsinistik pen kelisimdi nyǵaıtýǵa septigin tıgizedi. Pasha meıramy ár shańyraqty shattyqqa toltyryp, baqytqa bólesin! Barshańyzǵa zor densaýlyq, tolaǵaı tabys tileımin!», delingen Prezıdenttiń quttyqtaýynda.