Shyǵys Qazaqstan oblysynda bıylǵy kóktemgi áskerge shaqyrý naýqanynda 1200-den astam jigit Otan aldyndaǵy boryshyn óteýge shaqyrtylady, dep habarlaıdy Egemen.kz.
ShQO Aqparat ortalyǵynyń málimetine súıensek, qazirgi ýaqytta óńirde kóktemgi áskerge shaqyrý naýqany júrgizilýde. Bıylǵy naýqanda 1200-den astam jigit áskerge shaqyrtylady. О́skemende áskerge shaqyrylǵandarmen saltanatty qoshtasý rásimi ótti. 50 sarbaz Jambyl oblysyna jiberildi. Olar №91678 áskerı bóliminde boryshtaryn óteıdi.
«Aman-esen elge oralýlaryńa tilektespin. Bizdiń jáne ata-analaryńnyń artqan úmitin aqtaıtyndaryńa senemin», dedi quttyqtaý sózinde oblys ákiminiń orynbasary Nurjan Jumadilov.
QR Qarýly Kúshteriniń qurylǵanyna 30 jyl tolýyna oraı uıymdastyrylǵan sharaǵa elimizdiń Qarýly Kúshteriniń ardagerleri, ınternasıonalıst-jaýyngerler, áskerge shaqyrylǵandardyń ata-analary men týǵan-týystary qatysty. Qazirgi ýaqytta shekara qyzmetine shaqyrý aıaqtalyp, Qorǵanys mınıstrliginiń Qarýly Kúshterine baratyndar jasaqtalýda.