Qazaqstannyń bes oblysynyń aýa raıyna baılanysty eskertý jarııalandy, dep habarlaıdy Egemen.kz «Qazgıdromet» RMK baspasóz qyzmetine silteme jasap.
Aqmola oblysynyń soltústik-shyǵysynda ońtústik-batystan jel soǵyp, ekpini 15-20 m/s kútiledi. Túnde shyǵysta, Almaty oblysynyń taýly aımaqtarynda qatty jaýyn-shashyn (jańbyr, qar) bolýy múmkin.
«Qaraǵandy oblysynyń batysy men shyǵysyna túnde tuman túsedi. Jezqazǵan qalasynda túnde tuman kútiledi. Soltústik Qazaqstan oblysynyń shyǵysynda kúndiz ońtústik-batystan soǵatyn jeldiń ekpini 15-20 m/s jetedi. Túrkistan oblysynyń taýly aımaqtarynda naızaǵaı oınap, kóktaıǵaq bolady. Shyǵystan soǵatyn jeldiń ekpini - 15-20 m/s», dep jazdy vedomstvo.