«Almaty jylý jelileri» JShS-ǵa birqatar zańbuzýshylyqtar úshin aıyppul salyndy, dep habarlaıdy Egemen.kz.
Aıyppul salýǵa QR Ulttyq ekonomıka mınıstrligi Tabıǵı monopolııalardy retteý komıtetiniń Almaty qalasy boıynsha departamentiniń «Almaty jylý jelileri» JShS qyzmetine jospardan tys tekserý júrgizýi negiz boldy.
«Júrgizilgen jospardan tys tekserý nátıjesi boıynsha 2019 jyldyń 1 jeltoqsanynan 2021 jyldyń 30 jeltoqsanyna deıingi aralyqta «Almaty jylý jelileri» JShS tutynýshylarmen tehnıkalyq erejelerdi saqtamaı sharttar jasasyp, jylýmen jabdyqtaý qyzmetterin kórsetýde buzýshylyqtar jasaǵany anyqtalǵan. Sonymen qatar tekserý aıasynda Almaty qalasyn jylýmen jáne ystyq sýmen jabdyqtaý qyzmetin kórsetetin tabıǵı monopolııa sýbektisi bolyp tabylatyn «Almaty jylý jelileri» JShS tutynýshylarǵa kórsetiletin qyzmetke qol jetkizý úshin birdeı jaǵdaı jasamaǵany anyqtaldy», dedi Tabıǵı monopolııalardy retteý komıtetiniń Almaty qalasy boıynsha departamenti.
Monopolııaǵa qarsy organnyń mamandary sonymen qatar ALTQ men tutynýshylar arasyndaǵy jylýmen jabdyqtaý qyzmetterin kórsetýge arnalǵan sharttar Ulttyq ekonomıka mınıstriniń 2019 jylǵy 24 maýsymdaǵy № 58 buıryǵymen bekitilgen Úlgilik sharttardan mazmuny jaǵynan erekshelenetinin anyqtady.