QR Syrtqy ister mınıstrliginiń resmı ókili Aıbek Smadııarov reseılik jýrnalıst Tıgran Keosaıannyń sózderine qatysty pikir bildirdi, dep habarlaıdy Egemen.kz vedomstvonyń telegram kanalyna silteme jasap.
«Reseılik jýrnalıst Tıgran Keosaıannyń qorlaýshy jáne obektıvti emes sózderi nazar aýdarady. Múmkin, onyń málimdemesi reseılik qoǵamnyń belgili bir bóliginiń jáne saıası ısteblıshmenttiń kózqarastaryn kórsetetin shyǵar, biraq elderimiz arasyndaǵy yntymaqtastyqtyń rýhy men mazmunyna jáne memleket basshylary deńgeıindegi kelisimderge sáıkes kelmeıdi. Mundaı sózder tatý kórshilik qarym-qatynastyń atmosferasyn ýlandyrady jáne strategııalyq seriktestiktiń qarsylastarynyń «paıdasyna» túsedi. Ol Qazaqstanǵa kirý úshin jaǵymsyz adamdardyń tizimine engiziledi dep oılaımyn», dedi Aıbek Smadııarov.
Buǵan deıin reseılik telejúrgizýshi, belgili rejısser Tıgran Keosaıan Qazaqstanǵa ses kórsete sóılegen vıdosy taraǵan edi.
Onda ol «Ýkraınaǵa qarap, jaqsylap oılanyńdar, oń-soldaryńdy durystap tanyńdar» degen maǵynada qatqyl ún qatqan.