Búgin Nur-Sultandaǵy paralımpıadalyq jattyǵý ortalyǵynda ınklıýzıvti cherlıdıng, chır-sport jáne majoret-sport boıynsha Qazaqstandyq ashyq týrnır ótti. Týrnırge Qazaqstannyń ár óńirinen 200-den astam bala qatysty, dep habarlaıdy Egemen.kz elorda ákimdiginiń resmı saıtyna silteme jasap.
Komandalar 15 pán boıynsha jarysady. Qatysýshylar múgedektik túri boıynsha toptarǵa bólinedi:
A toby-estý qabileti buzylǵan (sańyraý, nashar estıtin) sportshylar.B toby-kórý qabileti buzylǵan sportshylar (nashar kóretin, soqyr).S toby-somatıkalyq aýrýlary bar sportshylar (endokrındik júıe aýrýlary, qant dıabeti, ishki aǵzalardyń bolmaýy jáne t.b.).D toby-tirek-qımyl apparaty buzylǵan sportshylar (arqasy bıfıd, ampýtanttar, arbashyq).E toby-bulshyqet damýy buzylǵan sportshylar (polıomıelıt, serpimdilik, serebraldy sal aýrýy).F toby-psıhıkalyq jáne aqyl-oı kemistigi bar sportshylar (aqyl-esi kem, aýtızm spektriniń buzylýy, Daýn sındromy).G toby - ósýdiń buzylýy (ahondroplazııa)H toby-aralas toptar (ártúrli toptardyń sportshylary).
Uıymdastyrýshylardyń aıtýynsha, sporttyq is-shara múgedek balalardy qazirgi qoǵamda áleýmettik beıimdeý, bala tulǵasynyń úılesimdi damýyna yqpal etý, paralımpıadalyq qundylyqtardy taratý jáne ınklıýzıvti qoǵamdy damytý, sondaı-aq salaýatty ómir saltyn nasıhattaý jáne erekshe fızıkalyq qajettilikteri bar adamdar arasynda paralımpıadalyq sport túrlerin damytý maqsatynda ótkizildi.