Fýtboldan Premer-lıga komandalary arasyndaǵy Qazaqstan birinshiligi toǵyzynshy týry máresine jetti, dep habarlaıdy Egemen.kz.
Atalǵan týrdy Túrkistanda «Maqtaral» men «Taraz» kezdesýi túıindedi.
Týrnır kestesinde kósh sońynda kele jatqan túrkistandyq klýb bul joly da qarsylasynyń yǵyna jyǵyldy. Birinshi kezeńde komandalar bir-biriniń qaqpasynan sańylaý taba alǵan joq.
Alǵashqy kezeń aıaqtalar tusta tóreshi «Taraz» qaqpasyna penaltı belgilegen edi. VAR júıesindegi vıdeoqaıtalaýdan keıin tóreshi atalǵan sheshimnen bas tartty.
Ekinshi kezeńde tarazdyq fýtbolshylar shabýyl shebinde kóbirek boı kórsetti. Nátıjesinde 77-mınýtta Maqsat Ámirhanov kózdegen nysanadan múlt ketken joq. Osylaısha «Taraz» syrt alańda «Maqtaraldy» 1:0 esebimen tize búktirdi.
Besinshi jeńisine qol jetkizgen tarazdyq komanda 17 upaımen týrnır kestesinde kósh basyna shyqty. Al «Maqtaral» altynshy márte jeńilip, kósh sońynda qalyp qoıdy.
Eske salsaq, búgin, 2 mamyrda «Aqtóbe» «Aqjaıyqty» 2:1, «Shahter» «Tobyldy» 4:1, «Aqsý» «Kaspııdi» 2:0 esebimen utty.