Oblystyq mańyzy bar 760 km jáne aýdandyq mańyzy bar 109 km joldarǵa jóndeý jáne rekonstrýksııalaý júrgiziledi. Jumystar 68 nysanda, onyń ishinde tórt kópirde júrgiziledi dep jazady Egemen.kz IIDM baspasóz qyzmetine silteme jasap.
Basymdyqta – oblys ortalyǵyn jáne óńirdiń iri eldi mekenderin «Batys Eýropa-Batys Qytaı» avtomobıl dálizimen jalǵaıtyn týrıstik baǵyttaǵy joldar.
Atap aıtqanda, Túrkistan-Sháýildir jolynyń 35 shaqyrymy men Kentaý jaǵynan Túrkistan qalasyna kire beris joldyń 24 shaqyrymy qaıta jóndeýden ótti. Sondaı-aq Shornaq, Maıdantal, Júınek jáne Qarnaqty mekenderin oblys ortalyǵymen jalǵaıtyn 100 km-ge jóndeý jumystary júrgiziledi.
Kelesi jyldyń basynda Tólebı aýdanynyń Qasqasý jáne Birqulyq eldi mekenderindegi týrıstik nysandarǵa baratyn 18 km jol tolyq jóndelip, paıdalanýǵa beriledi. Túlkibas aýdanynda Keltemashat, Daýbaba, Sastóbe, Shuqyrbulaq jáne Maıtóbe baǵytynda 69 km kúrdeli jáne ortasha jóndeý júrgizilip jatyr. Qazyǵurt aýdanynda Turbat jáne Qaqpaq aýyldyq okrýgterin «BE-BQ» kólik dálizimen jalǵaıtyn 39 km ortasha jóndeý júrgizilip jatyr», delingen habarlamada.
Budan basqa, Ordabasy aýdanyndaǵy «BE-BQ» kólik dálizderin Badam, Shubar, Qaınar, uıaly jáne Tespe eldi mekenderimen baılanystyratyn 53 km joldyń asfalt jabyny jańartylýda.
Barlyq jumys bekitilgen О́ndiristik-jumys kestesine sáıkes júrgiziledi. Jumys sapasy «jol aktıvteri sapasynyń ulttyq ortalyǵy» RMK men tapsyrys berýshi – «Ońtústik joldar» MKK-nyń turaqty baqylaýynda.
Kórsetilgen jumystardyń nátıjesinde Túrkistan oblysynda normatıvtik jaǵdaıdaǵy jergilikti mańyzy bar avtojoldardyń úlesi 87-den 92% - ǵa deıin ósedi.