Jeńil ónerkásip qaýymdastyǵynyń prezıdenti Lıýbov Hýdov 76 jasqa qaraǵan shaǵynda qaza tapty. Bul týraly Almaty qalalyq kásipkerler palatasy dırektorynyń orynbasary Aqerkin Eralıeva áleýmettik jelidegi paraqshasyna jazdy, dep habarlaıdy Egemen.kz.
«Lıýbov Nıkolaevna toqyma ónerkásibiniń patrıoty, kóp urpaqtyń ustazy, tigin óndirisiniń kóshbasshysy boldy. Ol óte ádepti, adal, ádil jáne kásibı adam edi», - delingen avtordyń jazbasynda.
Hýdova Lıýbov 1946 jyly 28 qarashada Túrkimenstannyń Mary qalasynda dúnıege kelgen. Tashkent toqyma ınstıtýtynyń mehanıka-tehnologııa fakýltetin bitirgen. Tehnıka ǵylymdarynyń kandıdaty. 2003 jyldan beri Jeńil ónerkásip qaýymdastyǵyn basqarǵan.