Shyǵys Qazaqstan oblysynda osy jyldyń sońyna deıin 7 mektep paıdalanýǵa beriledi, dep habarlaıdy Egemen.kz.
Oblystyq máslıhattyń kezekti XV sessııasy barysynda óńir basshysy Danıal Ahmetov bilim salasyn damytý maqsatynda atqarylyp jatqan jumystar jaıly aıtty. О́tken jyly osy salany qarjylandyrý kólemi úsh esege artqan.
«Byltyr 208 bilim berý mekemesi kúrdeli jáne aǵymdaǵy jóndeýden ótip, 600 myń oqýlyq satyp alyndy. Mektepterdiń ınfraqurylymyn jaqsartý boıynsha jumystar atqarylýda. Oblysta 3 aýysymdy jáne apatty mektepter máselesi tolyǵymen sheshilgen», dedi Danıal Ahmetov.
Onyń aıtýynsha, Memleket basshysy Qasym-Jomart Toqaevtyń 2025 jyldyń sońyna deıin respýblıka boıynsha 1000 mektep salý tapsyrmasyna sáıkes, oblysta barlyǵy 33 mektep salý josparlanyp otyr.
«О́tken jyly Semeı qalasyndaǵy Shyǵys kentinde 1200 oryndyq mektep salyndy. Stepnoı kentinde 300 oryndyq mekteptiń qurylysy aıaqtalýǵa jaqyn. Sonymen qatar Rıdderde - 600, Ulan aýdanynda 320 balaǵa arnalǵan mektepter paıdalanýǵa berilmek. Jalpy osy jyly 7 mektepti paıdalanýǵa berý josparlanyp otyr», dedi ShQO ákimi.
Aıana Toǵanbek