Jetinshi mamyr kúni keshke áleýmettik jelide Qyzylorda qalasynyń Tıtov shaǵyn aýdanynda boldy degen atystyń vıdeosy tarap, jurtshylyq dúrlikti de qaldy.
Keıinirek belgili bolǵandaı, sol kúni jergilikti saǵat 19:45-te polısııa departamentiniń kezekshi bólimine shaǵyn aýdandaǵy Manap Kókenov kóshesiniń boıynda ornalasqan «Meırambek» azyq-túlik dúkeniniń aldynda belgisiz adamdy atyp ketkendigi týraly habarlama túsken.
Bir tańǵalarlyǵy, jergilikti polısııa oqys oqıǵa týraly áli resmı habar taratqan joq. Olar endi brıfıng ótkizip, qarý qoldanylǵan jaǵdaıdyń jaı-japsary, qoldanylǵan sharalar týraly baıandamaqshy bolyp otyr.
Al áleýmettik jelidegi málimetke súıensek, sol kúni oqıǵa ornyn qaraý barysynda M.Kókenov kóshesiniń boıynda 1996 jyly týǵan bir azamattyń ańshy myltyǵymen basyna jáne №23 úıdiń aýlasynan 29 jastaǵy jigittiń «Makarov» tapanshasymen betine oq tıgen jáne aty-jóni anyqtalmaǵan taǵy belgisiz azamattyń keýdesine tapansha oǵy tıgen máıiti tabylǵan.
Sonymen qatar osy kóshe boıyndaǵy №23 úıdiń ıesi, 1975 jyly týǵan qala turǵyny men 23 jastaǵy taǵy bir azamattyń aıaǵynan jaralanǵany anyqtalǵan. Atysta jaralanǵandar jedel járdemmen qalalyq aýrýhanaǵa jetkizilip, jedel-tergeý toby izdestirý jumystaryn qolǵa alypty.
Sóz basynda aıtyp ótkenimizdeı, oqıǵanyń anyq-qanyǵy alda bolatyn brıfıngte belgili bolmaq.
Qyzylorda