Halyqaralyq pándik olımpıadada jeńimpaz bolǵan oqýshylarǵa 500-1500 AEK kóleminde aqshalaı syıaqy beriledi, dep habarlaıdy Egemen.kz. Bul týraly Bilim jáne ǵylym mınıstri Ashat Aımaǵambetov áleýmettik jelidegi paraqshasynda jazdy.
«Memleket basshysy Qasym-Jomart Toqaev daryndy balalardy qoldaýǵa erekshe kóńil bóletinin atap ótkim keledi. Jaqynda Prezıdent halyqaralyq pándik olımpıada jeńimpazdaryna birjolǵy aqshalaı tólemderdi tóleý normasyn qarastyratyn zańǵa qol qoıdy. Altyn medal alǵan oqýshyǵa 1 500 AEK, kúmis medalǵa 1 000 AEK, qola medalǵa 500 AEK kóleminde aqshalaı syıaqy beriledi», dep jazady mınıstr.
Aıtýynsha, oqýshylardy jarysqa daıyndaǵan pedagogterge de birjolǵy syıaqy beriledi.
Sondaı-aq, halyqaralyq olımpıadalardyń jeńimpazdary men júldegerlerine qazaqstandyq JOO-ǵa túsý úshin avtomatty túrde granttar taǵaıyndalatynyn jetkizgen.
«Bilim jáne ǵylym mınıstrligi elimizde balalarǵa jaǵdaı jasaý jáne olımpıadalyq qozǵalysty damytý jumystaryn jalǵastyra beredi», dep túıindegen Ashat Aımaǵambetov.
Aıana Toǵanbek