“MEN DALANYŃ QYZYMYN”

Astanadaǵy Kongress-Hollda Qazaq­stan­nyń eńbek sińirgen ártisi Baǵdat Sámedıno­va­nyń “Men dala­nyń qy­zymyn” atty konserti bolyp ótti. Onda Uljan Aınaqulova se­kil­di belgili ánshilermen birge onyń shákirtteri de óner kórsetti.Shyǵarmashylyq esep berý kon­­sertiniń aldynda ánshi BAQ ókil­derimen baspasóz máslıhatyn ótkiz­gen bolatyn. Onda B. Sáme­dınova buǵan deıin Astana qala­lyq fılar­monııasy halyq aspap­tar orkestri­niń súıemel­deýimen jeke konsert ber­gen­digin, sondaı-aq jaqynda ǵana Qytaıda ashyl­ǵan “EKSPO-2010” kórme­sinde bo­lyp qaıtqandy­ǵyn, túrli máde­nı shara­larǵa atsa­lysyp kele jat­qan­dyǵyn tilge tıek etti. Bul kon­serttik baǵ­­darla­mamdy da­ıyn­daǵa­n­yma birneshe jyl boldy. Jy­lyna eki konsert berý­den aýlaq­pyn. Sebebi, bul esep berý kon­ser­­ti bol­ǵan­dyq­tan, bul sharada birneshe jyl­dyq eńbegiń kórinýi qajet. Osy jolǵy baǵdarla­mamda ózimniń betke ustar ánime aınalǵan “Saryarqa” qaıta óńdelip, jańa­dan jazyldy. Son­daı-aq “О́z elim” ánin de aıtýǵa bo­la­­dy. Jal­py orynda­latyn án­der­­diń barly­ǵy da jańa ánder. Kesh barysynda meniń re­per­­týa­rym­da basty oryn alatyn halyq án­deri de orynda­la­dy, degen bola­tyn. Baǵdat Sáme­dı­no­vanyń aı­týynsha, shyǵar­ma­shy­lyq keshinde aıtylǵan halyq ánderi qazaqylyq qaımaǵy buzyl­maǵan Qytaı, Moń­ǵo­lııa elderinde turatyn qan­das­tary­myzda saqtal­ǵan qazaqtyń halyq ánderinen iriktelinip aly­nypty. Meniń repertýarymda pat­rıot­tyq ánder de jetkilikti. Kon­serttiń atynyń ózi “Men dala­nyń qyzymyn” dep atalýy da sondyq­tan dedi ol. Otyz jyldan astam kıe­li sahnada ult­tyq má­nerli daýy­symen, ózindik qoltań­­basymen úles qosyp júrgen B.Sá­me­dınova­nyń keshiniń “Men dalanyń qyzymyn” dep atalýy­nyń da ózindik sebebi bar eken. Qazaq­tyń belgili aqyn qyzy Kúlásh Ahmetova osy attas óleńin oqyǵanda ánshige osy­naý jyr joldary oı salǵan kórinedi. Ánshiniń sezim qylyn shertip, boıdaǵy namysyńdy janyp, rýhyń­dy oıatar shymyr ánder legi eki saǵatqa jýyq tolas­tamady. Osy­laısha óz eńbegine, qudaı ber­gen daýysyna ǵana sene­tin súıikti ánshimizdiń shy­ǵar­mashylyq keshi buǵan deıingi konsertteri sekildi tabysty ótti. Venera TÚGELBAI.