Jastar jaýapty tańdaý jasaýǵa daıyn

Erkin oı men ashyq pikir almasý alańynda erikti jastar referendýmdy qoldaıtyn­daryn aıtyp, 5 maýsym kúni barlyǵy birigip saıası ózgeriske óz úlesterin qosatynyn jetkizdi.

Pikirtalas alańynda Birgemiz respýblı­kalyq volonterler front-keńsesiniń bas úılestirýshisi Aıbek Dosymbetov, Amanat partııasy Qoǵamdyq saıa­­sı ınstı­tý­ty dırektorynyń orynbasary, res­pýb­­lıkalyq «Jas ulan» balalar men jasós­pirimder uıymynyń jetekshisi Dınara Sádýaqasova, «Ulan-ǵaıyr dala eli» qoǵam­dyq birlestiginiń jetekshisi Ýálıhan Bah­retdınov, «Qazaqstan jastar kongresi» qaýymdastyǵy nysanyndaǵy ZTB atqarýshy dırektory Toqtar Bolysov, oblystyq jáne qalalyq máslıhattardyń jas depýtattary, volonter­ler­diń aımaqtyq front-keńseleriniń jetekshileri, volonterlik uıymdar, bastamashyl toptar men eriktiler ózara sóz jarystyrdy. Talqylaý barysynda qatysýshylar konstıtýsııalyq reforma jáne referendým ótkizý, referendýmǵa shaqyrý jumystary týraly oılarymen bólisti.

Volonterlik qozǵalysty damytý Jańa Qazaq­standy júzege asyrý jolynda ma­ńyzdy ról atqarady. Volonterler – aza­mat­tyq qoǵamnyń belsendi bóligi retinde memlekettiń qoǵamdyq-saıası júıe­sindegi ózekti ózgeristerdi tizbektedi. Bas­qosý bary­synda A.Dosymbetov res­pýb­­lıka kó­lemin­de volonterler ótkizip jat­qan úgit-na­sı­hat jumystaryna toqtal­dy. Aqparattan­dyrý­ǵa 400-den astam volon­terlik uıym múshe­leri men belsendi eriktileri qatysyp otyr­ǵanyn atap ótti. Sonymen qatar D.Sádýaqasova: «Men barlyq volonterdi referendýmǵa qatysýǵa, halyq arasynda keńinen nasıhat­taýǵa shaqyramyn. О́ıtkeni bul – bizdiń azamat­tyq ustanymymyz. Biz refe­ren­dýmdy saıası prosesti odan ári jań­ǵyr­týǵa ákeletin qadamdardyń biri eke­nin túsinýge tıispiz», dep qoldaý bildir­di. «Qazaq­stannan basqa Otanymyz joq, barly­ǵymyzdyń baǵytymyz bir. Sol sebepti aldaǵy ýaqytta referendýmǵa biz de óz tarapymyzdan barynsha eldi aqparattandyryp, jastarmen jáne volonterlermen birge jumys istep kelemiz. Árbir adam óz tańdaýyn erkin túrde jasaýy kerek. Prezıdent Qasym-Jomart Toqaev jastarǵa úlken senim artyp otyr», dep erikti jastardy belsendi bolýǵa shaqyrdy Dáýren Rahymbek.

Birgemiz respýblıkalyq volonterler front-keńsesi qoǵamdyq bastamaǵa qosylyp, referen­dým­dy qoǵamdyq qoldaý jónindegi respýblı­kalyq shtab quramyna kirdi. Oblystardaǵy volon­ter­lermen jumysty oblystyq shtabpen bir­lesip, volonterlerdiń óńirlik front-keńseleri­niń basshylary men mamandary júrgizýde.