Qazaqstanda Uly Otan soǵysynyń ardagerlerine aqyly joldarmen tegin júrýge ruqsat etiledi, dep habarlaıdy Egemen.kz.
Bul kólik máseleleri jónindegi zań jobasyna engizilgen túzetýler sheńberinde kózdelgen.
«Aqyly joldar boıynsha tegin júrý normasy UOS ardagerlerine jáne qyzmetin júzege asyratyn kúshtik organdarynyń qyzmetkerlerine tirkelgen avtokólikterge qoldanylady. О́kinishke qaraı, bizde ardagerler kóp emes, biz ardagerlerge teńestirilgenderdiń sanatyn da qarastyramyz», dedi Májilis depýtaty Albert Raý.
Onyń aıtýynsha, qazir tıisti esepteýler júrgizilip jatyr, biraq zań jobasy ekinshi oqylymda qaralǵanǵa deıin másele sheshiledi.
Aıta ketsek, zań jobasynda halyqtyń áleýmettik osal toptary úshin qoǵamdyq kólikte júrýge jeńildikter beretin normalar qarastyrylǵan.
Máselen, áleýmettik mańyzy bar qatynastarda, sondaı-aq qalalyq (aýyldyq), qala mańyndaǵy qatynastarda turaqty avtomobıl marshrýttarynda tegin jol júrýge bolady:
«Altyn alqa», «Kúmis alqa» alqalarymen nagradtalǵan nemese buryn «Batyr Ana» ataǵyn alǵan, sondaı-aq I jáne II dárejeli «Ana dańqy» ordenderimen nagradtalǵan kópbalaly analar, birinshi toptaǵy múgedekter; 15 jastan 18 jasqa deıingi adamdarǵa jol júrý qujatynyń tolyq qunynyń 50%-yn tóleı otyryp, jol júrý qujatyn satyp alý quqyǵy beriledi.