Jýyrda qala kóleminde “Tilge qurmet – elge qurmet” degen taqyryppen aılyq ótkizildi. Atalǵan aılyq aıasynda respýblıkamyzdyń “Til týraly” Zańynyń talaptaryna sáıkes kórneki aqparat mátinderin durys rásimdeý boıynsha túsindirme jumystary júrgizilip, memlekettik organdarmen jáne qoǵamdyq uıymdarmen birlese otyryp tekserý reıdteri uıymdastyryldy. Munyń syrtynda shaǵyn jáne orta kásippen shuǵyldanyp jatqan kásipkerlerge ádistemelik kómek kórsetildi.
Aılyq sońynda “Kórneki aqparat tili: tájirıbe jáne ózekti máseleler” degen taqyrypta semınar-keńes ótkizildi.Ondaǵy maqsat qaladaǵy kórneki aqparattyń tilin rettestirip, bir izge keltirý edi. Soǵan oraı jıyn barysynda tájirıbe almasyp, oı bólisildi, qalalyq jarnama agenttikterine nusqaý berildi.
Semınarǵa qaladaǵy óndiristik kásiporyndar, iri saýda ortalyqtary, jolaýshylardy tasymaldaýmen aınalysatyn kompanııalar, bankter jáne jarnama agenttik ókilderi shaqyryldy. Semınar barysynda qalalyq prokýratýra qyzmetkerleri, qalalyq sáýlet jáne qala qurylysy bóliminiń, qalalyq kásipkerlik bóliminiń qyzmetkerleri kún tártibindegi máseleler jóninde baıandama jasap, zań baptaryna túsindirme berdi. Sonymen birge semınarǵa qatysýshylar tarapynan qoıylǵan saýaldarǵa dáıekti jaýap aıtyldy.
Semınar sońynda oǵan qatysýshylarǵa metodıkalyq jáne úlgi materıaldary taratyldy. Endigi jerde qala kóshelerinde jarymjan jarnamalarǵa jol berilmeıtindigine sengiń-aq keledi. Solaı bolǵaı da!
Dáýlet SEISENULY, SEMEI.