JEMQORLYQ – JAÝYMYZ, ONYMEN BIRIGIP KÚRESÝ QAJET

О́skemende “Sybaılas jemqorlyqqa qar­sy dúnıetanymdy qalyptastyrý – “Nur Otan” HDP jumysynyń basty baǵyty” de­gen taqyrypta halyqaralyq konferensııa bolyp ótti. Onyń jumysyna  Parlament Se­natynyń depýtaty, “Nur Otan” HDP ja­nyn­daǵy Cybaılas jemqorlyqqa qarsy kúres jónindegi respýblıkalyq qoǵamdyq ke­ńestiń tóraǵasy Oralbaı Ábdikárimov, Senat, oblystyq máslıhat depýtattary, qa­la, aýdan ákimderi men orynbasarlary, qu­qyq qorǵaý organdarynyń basshylary, eli­mizdegi joǵary oqý oryndarynyń rek­tor­la­ry, aqparat quraldarynyń ókilderi qa­tys­ty. Konferensııany oblys ákimi Berdibek Saparbaev ashyp, sybaılas jemqorlyqqa qarsy óńirde júrgizilip jatqan jumystarǵa toqtala ketti.  “Búgingi kúni oblystyń at­qa­rýshy bıligi quqyq qorǵaý or­gan­da­rymen, “Nur Otan” HDP bólim­shelerimen birge, jemqorlyqqa qarsy kúres jolynda birqatar sharalar atqarýda. Negizgi baǵyttar – a­q­pa­rat­tyq-nasıhattyq jumys, quqyqtyq sa­nany qalyptastyrý, is-qyzmettiń mól­dirl­i­gin qamtamasyz etý jáne halyqpen ju­mysty keńeıý, kadrlyq saıasatty jetildirý, ákim­shilik kedergilerdi azaıtý, sybaılas jem­qorlyqqa qarsy jappaı qozǵalysqa aza­mattyq qoǵam ınstıtýttaryn jumyldyrý óz nátıjesin berýde. Qazir oblysta qu­qyqtyq bilim beretin 752 mektep jumys istep tur. Olardyń 176-sy barlyq deńgeıdegi ákimdikterde, 576-sy memlekettik organdarda qyzmet etip, olarda 26 myń adam quqyqtyq bilim alady. Al quqyqtyq bilimdi jetildirý sybaılas jemqorlyqqa qarsy taptyr­maı­tyn kúsh”, – dedi óńir basshysy óz sózinde. Kendi Altaıda jemqorlyqpen kúres jónindegi 20 qoǵamdyq keńes bar. Olardyń quramynda partııa músheleri, máslıhat depýtattary, úkimettik emes uıymdardyń, saıası partııalardyń, BAQ-tardyń bas­shy­lary bar. Oblys ákimi sybaılas jem­qor­lyqqa qarsy atqarylyp jatqan ister jó­ninde mynadaı bir oryndy pikir aıtty. Má­selen, óńir basshysynyń ózi qasyna quqyq qorǵaý organdarynyń basshylaryn ertip alyp aýdandarda jurtshylyqpen kezdesýler ótkizgen kezinde sybaılas jemqorlyqtyń aldyn alý sharalary jaıly aıtyp, paıdaly keńester beredi eken. О́zderin  tolǵandyrǵan máselelerge turǵyndar keleli keńes alyp qana qoımaı, bul baǵytta atqarylyp jatqan sharalarmen keńinen tanysatyn kórinedi. Mysaly, jaqynda Jarma aýdanynyń birneshe eldi mekenderinde osyndaı maz­mun­dy kezdesýler ótken. Endi bul úderis Ulan aýdanynda jalǵaspaq. Ekonomıkalyq jáne sybaılas jem­qorlyqqa qarsy kúres agenttigi tóraǵasynyń or­ynbasary Samat Áshimbaev, Ulttyq qaýip­sizdik komıteti tergeý departamenti bas­ty­ǵynyń birinshi orynbasary Nurlan Jol­dasov jemqorlyqpen kúrestiń mańyzdy eke­nine toqtalyp, ózderi atqaryp jatqan isteri jaıly keńinen maǵlumat berdi. B.Áshim­baev­t­yń aıtýynsha, ótken jyly 1486 sy­baılas jemqorlyq oqıǵasy oryn alsa, bıylǵy jyl­­­dyń birinshi toqsanda 468 oqıǵa tirkelgen. Qazaqstan gýmanıtarlyq-saıası kon­ıýnk­týrasy ortalyǵynyń vıse-prezıdenti, belgili saıasattanýshy, “Aıtpark” pikirtalas klýbynyń jetekshisi N.Erimbetovtiń áńgimesin jurtshylyq ynta qoıa tyńdady. Ol qazaqy mentalıtettiń kóp rette qyl­mys­qa ıtermeleıtinin tilge tıek etip, adam­dar­dyń baıqaýsyzda para alyp qoıýy jóninen  qyzyqty derekter keltirdi. D.Serikbaev atyndaǵy ShQMTÝ rektory Ǵ.Mútánov, “Jas Otan” JQ keńesiniń múshesi A.Go­robes, oblys prokýrory Q.Tólegenov, taǵy basqalardyń baıandamasyn da kópshilik ynta qoıa tyńdady. Oralbaı Ábdikárimovtiń baıandamasy mazmundy boldy. Elbasy Nursultan Nazar­baevtyń ózi únemi sybaılas jemqorlyqqa qarsy aıaýsyz kúres júrgizý qajettigin aıtyp otyrady. Jemqorlyq – bizdiń negizgi jaýymyz, ony bárimiz birigip kúreskende ǵana jeńe alamyz degen sózdi umytpaý kerek. “Nur Otan” HDP-nyń belsendileri bul ba­ǵytta úlken ister atqaryp jatyr. Osy joly oblysta bolǵanda turǵyndardy qabyldadyq, aryz-muńdaryn jazyp aldyq, onyń oryndalýyn qadaǵalaımyz. Sársenbi kúni Semeı qalasynda da úlken jıyn ótkizý oıda bar. Kendi Altaıda sybaılas jemqorlyqqa qarsy júıeli jumystar júrgizilip jat­qanyna kóz jetkizdik. Osy oń baǵyttan aırylyp qalmańyzdar,  dedi O.Ábdikárimov. Budan keıin óńir basshysy B.Saparbaev qo­rytyndy sóz alyp, jıyndy túıindedi. Ońdasyn ELÝBAI, О́SKEMEN.