Ispanııanyń Madrıd qalasynda djıý-djıtsýdan halyqaralyq týrnır óz máresine jetti.
Atalǵan týrnırde baq synaǵan qazaqstandyq sportshy Dana Tóleýjan 55 kılo salmaq dárejesinde qarsylas shaq keltirmedi. Fınalǵa deıin bir demmen qarsylastaryn oısyrata jeńgen jerlesimiz halyqaralyq básekeniń altyn medalin jeńip aldy. Sondaı-aq ol djıý-djıtsý kúresinen 2019 jyly Abý-Dabıde ótken álem chempıonatynyń kúmis júldegeri atanǵan bolatyn.
Qazirgi ýaqytta Italııanyń astanasy Rım qalasyndaǵy «La sapıensa» ýnıversıtetiniń magıstratýrasynda tálim alatyn Dana Bekenqyzynyń djıý-djıtsý kúresinen bólek, sý sporty túrlerinen sport sheberi degen ataǵy bar.