QYZMETTESTIKTIŃ JAŃA QYRLARY

Keshe Premer-Mınıstr Kárim Másimov Avstrııa ónerkásipshileri birlestigi delegasııasymen – uıymnyń prezıdenti Vaıt Zorger bastaǵan avstrııalyq iri kompanııalar basshylarymen kezdesti, dep habarlady Premer-Mınıstrdiń baspasóz qyzmeti. Kezdesý barysynda Qazaqstan men Avstrııa arasyndaǵy saýda-ekonomıkalyq saladaǵy qyzmet­tes­tiktiń aǵymdaǵy jaǵdaıy men pers­pektıvalary talqylandy. V.Zorger avstrııalyq bıznes ókilderiniń qazaqstandyq árip­tes­te­rimen energetıka, kólik, qury­lys, máshıne jasaý, tele­kom­mý­nı­kasııalar, tamaq ónim­derin óndirý men óńdeý jáne eko­nomıkanyń bas­qa da salalaryn­daǵy qyzmet­tes­tikti nyǵaıtýǵa jáne iskerlik baı­lanystardy keńeıtýge múddeli ekendigin jetkizdi. О́z kezeginde K.Másimov avs­trııa­lyq bıznesmenderge Qazaq­stan­da 2007-2009 jyldary qabyl­danǵan ekonomıkany turaqtandyrý sharalary jáne eldiń daǵdarystan keıingi kezeńdegi ekonomıkalyq damý bolashaǵy jóninde habarlady. Respýblıka Prezıdenti Nursultan Nazarbaev bekitken eldi damytýdyń 2020 jylǵa deıingi strategııalyq josparyn oryndaý aıasynda, sol sııaqty údemeli ındýstrııalyq-ın­no­vasııalyq damýdyń besjyldyq memlekettik baǵdarlamasyn júzege asyrýǵa baılanysty Úkimet ınves­tı­sııalyq, salyqtyq jaǵdaılardy jaq­sartý jáne Qazaqstanda bız­nesti júrgizý úshin qolaıly ahýal qalyptastyrý saıasatyn josparly túrde júzege asyrýda. Osy oraıda K.Másimov 170 mıllıon adamnan asatyn Keden odaǵynyń ótkizý ry­nogy Qazaqstanda ónim shyǵaratyn ınvestorlar úshin atalǵan ınte­grasııalyq birlestikke múshe elder aýmaǵynda taýar ótkizýge qosymsha artyqshylyqtar beretinin aıryqsha atap kórsetti. Avstrııanyń óner­ká­sip kásiporyndarynyń Qazaq­stan­dy ındýstrııalyq damytý jospa­ry­na úılesimdi qosylýyna bolady. Bizde tehnologııalar tar­týǵa jaǵdaı jasaıtyn shıkizat resýrstary bar. Mundaı jaǵdaıda tehnologııalar men Avstrııadaǵy bıznesti júrgizý deńgeıi, sol sııaq­ty Qazaqstannyń geogra­fııa­lyq jaǵdaıy men shıkizattyq múmkindikteri birin-biri tolyq­ty­ra túsetin faktor bolyp taby­la­dy, dedi K.Másimov. Sol sııaqty Qazaqstan Úki­meti­niń basshysy kompanııa pre­zıdenti Ion Sens bastaǵan “Siemens AG” AQ ókilderimen de kezdesti. Kezdesý kezinde kólik salasyn­daǵy qyzmettestikti damytýdyń kókeıkesti máseleleri talqylandy. I.Sens kompanııanyń qazirgi zamanǵy elektrovozdar men jab­dyqtardy olarǵa qatysty tehnolo­gııalar transfertimen qosa shyǵarý jónindegi jobany júzege asyrýǵa, joǵary biliktiliktegi jumys oryn­daryn jańadan ashý men óndiristi damytýǵa múddeli ekenin jetkizdi. K.Másimov Qazaqstannyń qyz­mettestikti ózara tıimdi áriptestik prınsıpinde qurýǵa, sondaı-aq eldi ındýstrııalyq-ınnovasııalyq da­mytý maqsattaryna jaýap beretin, qazaqstandyq mazmundy ulǵaıtýǵa jáne jergilikti turǵyndardy oqy­týǵa baǵyttalǵan joǵary teh­no­logııalyq ónerkásiptik jobalar­dy júzege asyrýǵa daıyn ekenin habarlady. Osy kúni tústen keıin Premer-Mınıstr K.Másimov Qazaqstanda 3G úshinshi býyndaǵy uıaly baı­lanys standartyn engizý jáne jıilikterdi jumys istep turǵan uıaly baılanys operatorlar ara­synda aqyly negizde bólý máse­leleri boıynsha jumys babyndaǵy keńes ótkizdi.