Balalarǵa baýyrmal bas qala

Nur-Sultan qalasynyń ákimi Altaı Kólginov bas shaharda balalardyń shy­ǵarmashylyǵy men bilimin damytýǵa ar­nalǵan birneshe ortalyq ashylǵanyn málim etti.

– Halyqaralyq balalardy qorǵaý kúni óner-bilim, tanymdyq jáne oqý orta­­lyqtary, aýlalar ashyldy. Sondaı-aq elordanyń barlyq aýdanynda fes­tıvaldar, sporttyq jarystar men kon­sertter ótti. Máselen, «Bilim-park» óner-bilim ortalyǵy ashyldy. On­da balalar robottehnıkamen, keme úlgi­leýmen, avıamodeldeýmen, vıdeografıkamen aınalysa alady. Sol sııaqty boks­pen shuǵyldanyp, dombyra shertý men shahmat oınaýdy úırenedi. «Bilim-parktegi» sabaqtar tegin. Balalar oǵan Oqýshylar saraıynyń saıty arqyly jazyla alady, – dedi A.Kólginov.

Sonymen qatar qala basshysy Oqý­shylar saraıynyń bos turǵan oryndaryn paıdalana otyryp, qyzmeti aıtar­lyqtaı keńeıtilgenin atap ótti.

– Onda SANA kreatıvti bilim berý ortalyǵy men TANYM kreatıvti teh­no­­logııalar ortalyǵy ashyldy. Bul ortalyqtarda balalarǵa baǵdar­lamalaý jáne kompıýterlik grafıka dáristeri ótedi. Al oıyn barysyn­da balalar qajetti bilim men daǵdylardy, ásirese robottardy baǵdarlamalaýdy, logıkalyq oılaýdy úırenedi. Al sabaqtary tegin ótkiziledi. Kezdesý sońynda túlekterimizben, sondaı-aq halyqaralyq jáne res­pýb­lıkalyq olım­pıadalardyń jeńim­pazdarymen áńgime órbittik. Koman­damyz jyl sa­ıyn respýblıkalyq olımpıadalarda «Úzdik olımpıadalyq komanda» ataǵyna ıe bolyp keledi. Bıyl bizdiń komanda rekord ornatyp, 93 júldeli orynǵa ıe boldy. Munyń bári – ustazdardyń, mektep oqýshylarynyń jáne olardyń ata-analarynyń tynymsyz eńbeginiń jemisi. Memleket basshysy osy jyldy Balalar jyly dep jarııalady. О́skeleń urpaqqa jaǵdaı jasaý boıynsha tıisti jumystar júıeli júrip jatyr: mektepter salamyz, ustazdardyń jalaqysyn arttyramyz, tanymdyq jáne oqý ortalyqtarynyń jelisin keńeıtemiz, – dedi elorda ákimi.

Mereke kúni tańerteń qaladaǵy aýrýha­nalardyń akýsherlik blokta­rynyń bárinde jańa týǵan nárestelerge arnal­ǵan is-sharalar uıymdastyryldy. Nur-Sultan qalasy Qoǵamdyq den­saýlyq saqtaý basqarmasynyń basshysy Tımýr Muratov qala basshylyǵynyń atynan baqytty analardy qos merekemen quttyqtap, elorda ákimi Altaı Kólginovtiń Alǵyshatyn tabystady.

– Búgin sizder úshin eki birdeı mereke. Dúnıege ul-qyzdardy ákelip otyrsyzdar. О́mir esigin endi ashqan sábılerińiz elimizdiń abyroıly, betke ustar azamattary bolsyn. Tek bir áýlettiń ǵana emes, barsha qazaq eliniń maqtanyshy bolyp óssin. Bolashaqtary jarqyn bolsyn, – dep quttyqtady basqarma basshysy.

Qalalyq emhanalarda Ashyq esik kúnderi anımatorlardyń qatysýy­men merekelik baǵdarlamalarǵa ulasty. Búldirshinderdiń asyr salyp, asy­ǵa kútetin mereıli merekesi elorda­nyń 4 aý­­­danynda da joǵary deńgeıde uıym­dastyrylyp, kishkentaı turǵyn­dardy qýanysh pen shattyqqa bóledi.

Esil aýdanynda ornalasqan Jetisý saıabaǵynda B.Soqpaqbaevtyń «Meniń atym Qoja» shyǵarmasy negizinde salynǵan eskertkishtiń ashylýy kóptiń kóńilinen shyqty. Eskertkish ashý ıdeıasyn jazýshy Janbolat Aýpbaev usynǵan. Ol qazaq halqynyń bala tár­bıe­leýge ejelden erekshe mán bere­tinin aıta kele, osy bir bolmysty beıneleıtin B.Soqpaqbaev povesiniń keıipkerine monýment ornatý jóninde oıyn aıtty. Eskertkishtiń bıik­tigi – 183 sm, ol qoladan jáne gra­nıt­ten jasalǵan. Músinshi Azamat Talap­hannyń aıtýynsha, jumys úsh aıǵa sozylǵan.

– Maǵan osy eskertkishti jasaý týraly usynys túsken boıda túrli ıdeıalardy oılastyra bastadym. Eskertkish arqyly bas keıipkerdiń minezin kórsetý, shyǵarma jelisin jetkizý óte mańyzdy boldy. Sonymen, fılmniń este qalar­lyq kórinisteriniń birin beıneleý jó­ninde sheshim qabyldap, Qojanyń aına aldynda otyrǵan sátin kórsettik, – dedi monýment avtory.

Sonymen qatar elordaǵa elimizdiń barlyq óńirinen 30-dan astam mektep oqýshysy kelip, olarǵa tanymdyq ekskýrsııa ótkizildi. Is-sharaǵa arnaıy shaqy­rylǵan oqý ozattary men zııatkerlik jáne shyǵarmashylyq baı­qaýlardyń jeńimpazdary áýeli «Aqorda» rezıdensııasyn aralady. Son­daı-aq Báıterek monýmentine shyqty.

– Mundaı is-sharalar balalarymyz­dyń osy eldiń azamaty ekendigin, olar­dyń bolashaqta Qazaqstan úshin úlken ról atqaratyndaryna senim beredi. Oqý-bilimge qushtarlyqtaryn arttyrady, – dedi Nur-Sultan qalasy bilim berýdi jańǵyrtý ortalyǵy basshysynyń orynbasary Syndar Muratqyzy.

Merekege oraı «Balapan álemi» OPEN AIR festıvali ótip, 800-ge jýyq jas ónerpaz merekelik is-sharada óner kórsetti. Respýblıkalyq deńgeıdegi aýqym­dy is-shara Esildiń jaǵasyndaǵy am­fıteatrda ótti. Ár óńirden kelgen talantty búldirshinder osy jerde óner­lerin ortaǵa salyp, túrli baıqaýǵa qa­tysty. 100 dombyrashy bir mezette kúı oınap, «Qazaqstan daýysy. Balalar» jobasynyń qatysýshylary ánnen shashý shashty. Sonymen qatar amfıteatr mańynda merekege oraı túrli sporttyq sharalar, qolóner jármeńkesi men kitap kórmesi uıymdastyryldy. Ulttyq oıyn­dar oınalyp, balalar asfaltqa sýret saldy.

Balalardyń saǵyna kútetin mereke­sin Saryarqa aýdanynyń sábıleri de kóńildi ótkizdi. Oıyn-saýyqqa toly kún erekshe esterinde saqtalary sózsiz. Halyqaralyq mereke aıasynda ın­klıý­zıvti sportty damytý jáne salamatty ómir saltyn nasıhattaý maqsatynda merekelik is-shara uıym­das­tyryldy. Bıylǵy meıram atal­ǵan aýdannyń úsh jerinde ótti. Demalys promenade alańynda, Kóktal saıabaǵynda jáne Arbatta jalǵasty. Demalys promenade-ta artsportedu mer­digerleri aýqymdy fes­tıval ótkizdi. Mereke qonaqtaryn anımatorlar qarsy aldy. Al sahnada 2000-nan as­tam bala óner kórsetti. Munda bala­lar sýretteriniń úlken kórmesi ótti. Konsert kórermenderine balmuzdaq taratylyp, akvagrım jasaldy. Mereke tańerteńnen keshke deıin toılandy. Sonymen qatar «Dáýlet» tennıs ortalyǵy uıymdastyrǵan Ashyq esik kúnine 250 bala qatysty.

– Is-sharanyń basty maqsaty – bala­larǵa sportty kóńildi oıyn túrinde tanystyrý. Bul balalardy salamatty ómir saltyna tartýǵa múmkindik berip, sport­tyń qanshalyqty kóńildi jáne paıda­ly ekenin kórsetedi, – dedi tennıs orta­lyǵynyń jetekshisi Dına Temir­ǵalıeva.

Osyǵan uqsas sporttyq is-sharalar bir ýaqytta úsh jerde – «Dáýlet» ten­nıs ortalyǵynda, Botanıkalyq saıa­baqtyń tennıs kortynda, Kóktal saıa­baǵynyń tennıs kortynda ótti. Is-sharaǵa 6 jastan 10 jasqa deıingi 250 bala qatysyp, baǵdarlama barysyn­da tapsyrmalar, estafetalyq oıyndar, bıler uıymdastyrylyp, paıda­ly taǵamdar usynyldy. Sonymen qatar Kóktal saıabaǵynda tennısten sheber­lik saǵattary men kóńildi starttar ótti. Saıabaqtyń kishkene qonaqtaryna «Dáý­let» tennıs ortalyǵynyń kásibı jat­tyqtyrýshylary úlken tennıs oıyny boıynsha sheberlik saǵatyn ótkizdi. Balalarǵa raketkamen qalaı dál urý, tepe-teńdikti saqtaý, jyldamdyq pen koordınasııany damytý týraly aıtyldy. Budan bólek balalar arasynda kóńildi starttar ótti. Spartakıada jeńimpazdary marapattaldy.

Al aıtýly mereke qarsańynda Alma­ty aýdany Internasıonalnyı turǵyn alabyndaǵy Mereke kóshesi, 40-úıdiń jańa aýlasy men sol mańdaǵy skverdi abattandyrý jumystary aıaqtaldy. Bıyl jazda aýdanda 80 jańa aýla alańy salynady, abattandyrý, jaryqtandyrý jáne kógal­dandyrý jumystary keshendi túrde júrgizilýde. Birinshi kezekte qala­­nyń eski bóligindegi shaǵyn aýdan­darda jańa aýla alańdaryn ornatý qajet boldy. Búgingi kúni Táýelsizdik, Qajy­muqan, Jumabaev, Maılın kóshe­­lerindegi jumystar aıaqtaldy. Jal­py kóshelerge 250 trenajer, 30 workout aımaǵy ornatylady, 20 sport alańy jóndelip, 15-i jańadan salynady. Atalǵan aýdannyń Stýdentter saıabaǵynda balalardy qorǵaý kúnine arnalǵan mere­kelik baǵdarlama usy­nyldy. Uıym­dastyrýshylar arba she­rýin, velo­sıpedshiler baıqaýyn jáne 6 aıdan 39 aıǵa deıingi balalar arasynda eń­bek­teýden jarys ótkizdi. Dál sol kúni Ál-Farabı atyndaǵy oqýshylar saraıy alańynda shyǵarmashylyq ujym­­­dardyń qatysýymen merekelik kon­­­sert, sondaı-aq Samga chempıondar lıgasy jas sportshylarynyń kórsetilimderi uıymdastyryldy. Alań­da balalar sýretteri men qoldan­baly shyǵarmashylyq kórmesi, «Jazdyń aıshyqty boıaýlary» atty asfaltta sýret salý konkýrsy ótkizildi.

– Men Balalar kúnin erekshe kúte­min. Sebebi ol kúni biz ata-anamyzben serýen­dep, túrli oıyndar oınap, kóńil kóteremiz. Qydyramyz. Bıylǵy mere­ke de shattyq pen qyzyqqa toly boldy. Jańa dostarmen tanystym, sýret saldym, ózime qatty unady. Biz­ge osyndaı kóńil kúı syılaǵan uıymdas­tyrýshylarǵa alǵys aıtamyn, – dedi qala­myzdyń kishkentaı turǵyny Aıala Nurlybek.

Nur-Sultan qalasy ákimdiginiń «Ma­mandandyrylǵan balalar úıi» mem­lekettik kommýnaldyq mekemesinde me­rekege arnalǵan «Ǵarysh álemine saıa­hat» atty saltanatty is-shara ótti. Búldirshinderdi merekemen quttyqtap, túrli syılyqtarymen qýanysh syılaý maqsatynda Nur-Sultan qalasy Densaýlyq saqtaý basqarmasynyń basshysy Tımýr Muratov, Nur-Sultan qalasy Bilim basqarmasy qamqorshylyq jáne qorǵanshylyq organy ókilderi, «Mereke» qaıyrymdylyq qorynyń ókilderi, mesenattar men demeýshiler, Nur-Sultan qalasy ákiminiń apparaty Áıelder isteri jáne otbasylyq-demografııalyq saıasat jónindegi komıs­sııasynyń bas ınspektory-hatshysy Qarlyǵash Sabıtqyzy men áıelder isteri jónindegi komıssııa músheleri kelip, saltanatty merekelik is-sharanyń qadirli qonaǵy boldy. Búldirshinder men qonaqtar – Ǵaryshker, Qaraqshy, Kempirqosaq, Kún jáne Bulttarmen birge «Ǵarysh álemine» saıahat jasady. Ǵajaıypqa toly ǵarysh áleminde balalarymyz óz ónerlerin ortaǵa salyp, «Juldyzdar», «Kún sáýleleri», «Aq bulttar», «Kún júıesindegi ǵa­lam­sharlar», «Ǵarysh­kerler» bıi men «Zymyran» fleshmobyn bılep, «Jul­dyzdardy jına», «Kún men Jańbyr» atty qyzyqty oıyndardy oınap qýa­nyshqa keneldi. Sonymen qatar balalardy qýantý maqsatynda atalǵan mekemege Qazaqstandy álemge tanytqan olımpıa­da chempıondary, halyqaralyq sport sheberleri keldi. Olardyń qatarynda, bokstan Álem chempıony Mereı Aqsha­lov pen Azııa chempıony Vasılıı Le­vıt, belgili ziltemirshi, Olımpıada oıyn­darynyń eki dúrkin chempıony, álemniń tórt dúrkin chempıony Ilıa Ilın atbasyn burdy.

– Elimizdiń maqtanyshtary Mereı Aqshalov, Vasılıı Levıt, Ilıa Ilın ortalyǵymyzdyń qadirli qonaǵy bolyp, merekelik is-sharada búldirshinderimizge arnaıy ákelgen syılyqtaryn tabystady. Merekelik is-shara óte qyzyqty ótti. Qylyqty balapandarǵa túrli táttiler men ádemi oıynshyqtar úlestirilip, me­rekelik baǵdarlama este qalarlyq es­telik sýretterge túsýmen ulasty, – dedi Balalar úıiniń dırektory Saýle Kenjetaıqyzy.

Elordadaǵy Baıqońyr aýdany ákim­digi Balalar jyly aıasynda asta­na­lyq mektepter arasynda «Meniń qolymnan keledi» baıqaýyn ótkizdi. Eki aıǵa sozylǵan baıqaý óz máresine jetip, Halyqaralyq balalardy qorǵaý kúni qarsańynda baıqaý jeńimpazdary marapattaldy. Jarys qorytyndysy boıynsha birinshi oryndy Farıza Ońǵarsynova atyndaǵy №77 mektep-gımnazııasynyń 4 «z» synyp oqýshysy Arsen Qazaqbaev jeńip alsa, ekinshi oryndy Abaı atyn­daǵy №87 mekteptiń 6-synyp oqý­shysy Mıras Ábýbákir ıelendi. Júl­deli úshinshi orynmen №27 mektep-lıseıi­niń 2«á» synyp oqýshysy Daıana Be­kenova marapattaldy. Úzdikterge «Baı­qońyr» aýdany ákimdigi atynan ba­ǵaly syılyqtar men dıplomdar beril­di. Budan bólek, baıqaýǵa qatysqan basqa qatysýshylar da nazardan tys qalmady. О́zderiniń erekshe jumystaryn usynyp, baıqaýda baq synaǵan barlyq qatysýshyǵa Baıqońyr aýdany ákimdigi atynan «Mektepke jol – 2022» aksııasyna qatysý sertıfıkattary tabystaldy.

Qaladaǵy «Qalamgerler» alleıa­synda ótken merekelik is-shara kish­kentaı tur­ǵyndarǵa kóterińki kóńil kúı syılady. Án aıtylyp, bı bılep, búldirshinder shattyqqa keneldi.

– Árbir ata-ana balalarynyń baqyt­ty bolǵanyn, únemi kúlip júrgenin qa­laıdy. Olardyń shattyqqa toly júzin kórý – bizdi de qýanyshqa keneltedi. Búgingi merekede sábılerimiz máz bolyp, shattanyp, erekshe sezimge bólendi. Olardy kórip bizdiń de qýanǵanymyz ras. Jyl saıyn Halyqaralyq balalardy qorǵaý kúni keńinen atalyp ótilýde. Balapandarymyzdyń asyǵa kútetin meıramy bıyl da joǵary deńgeıde ótti. Qalamyzdyń ár jerinde merekelik, dýmandy kóńil kúıdi sezindik, – dedi ata-analar.

Balalardy qorǵaý kúni Baıqońyr aýdanynyń ortalyq alańdarynan bas­­tap turǵyn alaptarǵa deıin keńi­nen atalyp ótip, balaqaılar úshin mere­kelik konsertter men aýla merekeleri ótkizildi. Sonymen qatar «Kazgorodok» turǵyn alabynda balalar arasynda fýtboldan týrnır ótti. Týrnırde úz­dik oıyn kórsetken oıynshylar men komandalar marapattalyp, arnaıy syılyqtar men dıplomdar tabys etildi. Budan bólek, «Kóńildi má­re» oıyndary uıym­dastyrylyp, anımatorlardyń qyzyqty saıystary merekeni jandandyra tústi.