Túrkistan oblysy Memlekettik kirister departamentiniń málimetinshe, atalǵan azamattar Qazaqstan Respýblıkasynyń zańnamasymen qolma-qol aqshany alyp ketýge qoıylǵan shekteýdi buzǵany úshin ákimshilik jaýapkershilikke tartylǵan, dep habarlaıdy Egemen.kz.
2022 jyldyń 6 maýysymynda Túrkistan oblysy boıynsha memlekettik kirister departamentiniń «Jibek joly» keden beketi arqyly О́zbekstan Respýblıkasy baǵytynda jolaýshylar termınalynda, qoljúgin «NUCHTECH 100100DV» rentgentelevızıondyq qurylǵy arqyly tekserý kezinde, keden beketiniń qyzmetkerlerimen Tájikstan Respýblıkasynyń azamatynan kedendik deklarasııa arqyly málimdelmegen qolma-qol 19 500 AQSh dollary anyqtalyp, QR ÁQBK-niń 545-baby boıynsha is qozǵaldy.
Osyǵan deıin, 2022 jylǵy 18 mamyrda «Atameken» keden beketi arqyly О́zbekstan Respýblıkasy baǵytynda QR azamaty ózimen birge 10 000 AQSh dollary, 82 500 teńge jáne 1 798 000 ózbek somyn alyp ótpek bolǵan kezinde, keden beketiniń qyzmetkerleri UQK shekara qyzmetkerlerimen birlesip ótkizý faktisine tosqaýyl qoıdy. Atalǵan fakt boıynsha Qazaqstan Respýblıkasy ÁQBtK 545-babyna sáıkes jınaqtalǵan ákimshilik is Maqtaaral aýdandyq sotyna joldandy.
Osyǵan uqsas jaǵdaı 20 mamyr kúni osy «Atameken» keden beketinde oryn alǵan. Keden beketiniń qyzmetkerlerimen kedendik baqylaý kezinde Reseı Federasııasynyń azamaty ózimen birge 13 800 AQSh dollary men 88 000 teńgeni О́zbekstanǵa alyp ótý barysynda anyqtalǵan. Nátıjesinde Qazaqstan Respýblıkasy ÁQBtK 545-babymen ákimshilik is qozǵalyp, Maqtaaral aýdandyq sotyna joldandy.