Prezıdentimiz Qasym-Jomart Toqaev konstıtýsııalyq referendýmǵa barý arqyly Qazaq elin jańa baǵytpen, jańa maqsatpen, jańa oı-nıetpen, adaldyq pen ádildik jolymen damytýǵa bet alǵany anyq.
«Maǵan halqymnyń erteń emes, búgin jaqsy ómir súrgeni kerek», «Maǵan basy artyq bıliktiń qajeti joq», «Mende óz halqym men elime adal qyzmet etýden ózge múdde joq» degen Qasym-Jomart Toqaevtyń osy aıtqandarynan Memleket basshysynyń týǵan eli men halqynyń múddesin bárinen joǵary qoıyp otyrǵany sózsiz baıqalady.
Qańtar oqıǵasy kezinde óz ómirine tóngen qaterge qaramastan, Qazaqstannyń táýelsizdigin saqtap qalǵan Prezıdentimizdiń táýelsizdik múddesine adal ekendigine esh kúmán bolmaýy kerek.
Referendýmǵa otbasymyzben erte baryp, daýys berdik. Amanat partııasynyń janyndaǵy shtab múshesi retinde Qorǵaljyn aýdanynda, Qosshy qalasynda jáne Kókshetaý qalasynyń túrli mekemelerinde kóptegen kezdesý ótkizdim.
Nur-Sultan qalasynda referendým onlaın marafonyna da qatysý qurmetine ıe boldym. Osy marafon barysynda barlyq Qazaqstan halqynyń kóterińki kóńil kúıin ańdadym. Júzderinen qýanysh lebi aıqyn seziledi. Ol qýanyshty bolashaqqa degen senim dep qabyldadym. Iá, bizdi jaqsy bolashaq kútip tur! О́z basym soǵan senemin!
Referendýmǵa qatysqan qazaqstandyqtardyń basym bóliginiń konstıtýsııalyq reformany qoldaǵany qýantyp otyr. Munyń ózi qazaqstandyqtardyń Prezıdent bastamalaryna sózsiz senetindigin aıqyndaı tússe kerek.
Jabal ERǴALIEV,
qoǵam qaıratkeri