О́zbekstanǵa sapar shegýge nıettengen týrıster úshin 10 maýsymnan bastap koronavırýsqa qatysty barlyq shekteýler alynyp tastalady. Bul týraly О́zbekstannyń Týrızm jáne mádenı mura mınıstrliginiń baspasóz qyzmeti habarlady, dep jazady Egemen.kz.
Respýblıkanyń arnaıy komıssııasy bul sheshimdi Týrızm jáne mádenı mura mınıstrliginiń, Sanıtarııalyq-epıdemıologııalyq qadaǵalaý jáne qoǵamdyq densaýlyq qyzmetiniń usynymdaryn eskere otyryp qabyldady.
«Osyǵan baılanysty sheteldik týrısterden koronavırýsqa PTR-testiniń teris nátıjesin, antıgenderge jedel test jáne vaksınasııa týraly sertıfıkat nemese tólqujat berýdi talap etetin erejeler alynyp tastalady», dep atap ótti vedomstvonyń baspasóz qyzmeti.