Qazaly aýdanyndaǵy Q.Pirimov aýylynda 2009-2010, 2011-2012 jyldary týylǵan jasóspirimder arasynda bokstan aýdandyq ashyq týrnır ótti. Dańqty qolbasshy Jalańtós batyr júldesi úshin «Balalar jyly» aıasynda uıymdastyrylǵan jarysta 180 oqýshy sharshy alańǵa shyqty.
Bes kúnge jalǵasqan týrnırdiń negizgi uıymdastyrýshysy №18 Qazaly aýdandyq balalar-jasóspirimder sport mektebi boldy. Ataýly jyl aıasyndaǵy saıysty ótkizýge aýdandyq sport, ishki saıasat bólimderi, Jastar resýrstyq ortalyǵy mamandary, Jalańtós bahadúr urpaqtary da úlken úles qosypty.
Aty aýdandyq bolǵanmen bul jolǵy jarystyń aýqymy keń. Týrnırge qatysýshylar arasynda oblys aýdandarynan bólek kórshiles Túrkistan oblysy men О́zbekstan Respýblıkasynan kelgen jas sportshylar boldy.
Qazaly – túrli sport túrinen alda júrgen aýdandardyń biri. Bul jarysta da aýyldardaǵy balǵyn sportshylardyń baǵy jandy. J.Bahadúr, Q.Pirimov aýyldarynyń sportshylary birinshi tuǵyrdan kórindi. О́zge aýdandar men Túrkistan oblysynan, О́zbekstan Respýblıkasynan kelgen boksshylar da jeńimpaz atandy.
Qyzylorda