Prezıdent Ulttyq quryltaı týraly bastamany qoldaǵan barshaǵa rızashylyǵyn bildirdi, dep jazady Egemen.kz.
«Biz búgin quryltaı jumysynyń negizgi baǵdaryn aıqyndadyq. Bul qurylym demokratııa qundylyqtaryn ornyqtyrýǵa zor úles qosary sózsiz. Quryltaı jumysy munymen shektelip qalmaıdy. Biz jyl saıyn turaqty túrde kezdesip turamyz», dedi Prezıdent.
Sondaı-aq ol qazaq dalasynda el taǵdyry sheshilgen tarıhı oryndar az emes ekenin atap ótti.
«Ulytaýdan bólek, Ordabasy, Mártóbe, Kúltóbe sııaqty qasterli jerlerimiz bar. Men kelesi basqosýdy kıeli Túrkistanda ótkizýdi usynamyn. Quryltaıdyń ár aımaqta ótý sol óńirdiń damýyna serpin beredi. Onyń músheleri ár joly bir óńirdiń tynys-tirshiligimen tanysady», dep qorytyndylady Memleket basshysy.
Osylaısha, Memleket basshysy Qasym-Jomart Toqaevtyń tóraǵalyǵymen ótken Ulttyq quryltaıdyń I otyrysy aıaqtaldy.