Ulytaý tórinde ótken Ulttyq quryltaı jıynynda sóz bolǵan ózekti taqyryptar kóp. Sol sebepti de halyq pen bılik arasynda altyn kópir bolyp júrgen eldiń aıtýly azamattary aqyldasar keleli keńes qurar ashyq alańǵa aınalatyn Ulttyq quryltaıdyń kóterer júgi jeńil bolmaq emes.
Elimizde talqylanar taǵdyrsheshti máselelerde quryltaıdyń árbir múshesi ózindik oı-pikiri men usynystary arqyly aralasýǵa dańǵyl jol ashyldy. El Prezıdenti Qasym-Jomart Toqaevtyń qatysýymen ótken alqaly jıynda Ulttyq quryltaıdyń atqarar josparlarynyń basym baǵyttary aıqyndaldy.
Tilshi-ǵalym retinde maǵan Prezıdenttiń álipbı máselesi jónindegi paıymdary tereń oı saldy. Memleket basshysy álipbıdi jetildirý boıynsha Til bilimi ınstıtýtyna tapsyrma bergenin atap ótti. Qazaq tilin latyn ǵaripti álipbıge aýystyrý tyńǵylyqty ári júıeli jumys nátıjesinde asyqpaı, aptyqpaı qabyldanatynyn jurtshylyqqa jetkizgim keledi.
Jıyn sońynda aqyn, Qazaqstan halyq jazýshysy Muhtar Shahanovqa «Qazaqstannyń Eńbek Eri» ataǵy berilýin – Prezıdent tarapynan til janashyrlaryna kórsetilgen qurmet dep baǵaladyq. Bul bárimizge ortaq qýanysh, sebebi.
Kárimbek QURMANÁLIEV,
UǴA akademıgi