Konstıtýsııalyq Keńestiń tóraǵasy Qaırat Mámı Parlamenttiń birlesken otyrysynda konstıtýsııalyq reformanyń qajetiligi týraly aıtty, dep habarlaıdy Egemen.kz.
«Qańtar oqıǵasy elimizdegi ahýaldy múlde ózgertti. Bolashaq taǵdyrymyzdy aıqyndaıtyn jańa qundylyqtardyń qajettigi týyndady. Prezıdent Qasym-Jomart Kemeluly Toqaev osy úrdister men yqtımal qaterlerdi eskere otyryp, bıylǵy Joldaýynda azamattyq orta men saıası júıeni ózgertýge baǵyttalǵan birqatar mańyzdy sharanyń jańa paketin usyndy. Memleket basshysynyń Joldaýda aıtylǵan bastamalary búkil salany demokratııalandyrýdy talap etti. Qoıylǵan maqsattar konstıtýsııanalızmdi odan ári nyǵaıtýǵa baǵyttaldy», dedi Konstıtýsııalyq Keńes tóraǵasy.
Onyń aıtýynsha, osy atalǵan faktordyń mindetterge jetýi úshin konstıtýsııalyq reforma kerek bolǵan.
«Zaman men qoǵam ózgerip jatqan ýaqytta negizgi zańymyz da jańarýdy kerek etti. Iаǵnı qoldanystaǵy Konstıtýsııany ózgertý qajettiligi týyndady», dedi Qaırat Mámı.
Aıta keteıik, Parlamenttiń búgingi birlesken otyrysyna Senat tóraǵasy Máýlen Áshimbaev, Májilis tóraǵasy Erlan Qoshanov, Úkimet basshysy Álıhan Smaıylov, Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Natalıa Godýnova, Úkimet músheleri qatysyp jatyr.