Bas prokýratýra «Dıkıı Armannyń» qylmystyq tobyna qatysty jańa málimetterdi jarııalady, dep habarlaıdy Egemen.kz.
Bas prokýratýranyń Qylmystyq qýdalaý qyzmetiniń basshysy Serik Shalabaev qańtar oqıǵasy kezinde qylmystyq toptyń tártipsizdikterge belsene qatysqanyn, onda Arman Jumageldıev nemese «Dıkıı Armannyń» roli erekshe bolǵanyn aıtty.
«6 qańtarda top músheleriniń biri Almatydaǵy «Qazaqstan» qonaqúıine uıymdasqan túrde kelgen qylmyskerlerge Glock jáne «Makarov» tapanshalaryn taratqan. Qarýlanǵan qylmyskerler bir ýaqytta uıymdastyrýshy men onyń sybaılastarynan nusqaý alǵan. Olar sybaılastardy 10 topqa bóldi, olardyń josparlanǵan qylmysta roli boldy. «Jaýaptylar» taǵaıyndalyp, olarǵa uıymdastyrýshylar oq ótpeıtin keýdeshe, basty qorǵaıtyn quraldar, atys qarýy jáne 200 myń teńge bergen», dedi S.Shalabaev.
Onyń aıtýynsha, qarapaıym sybaılastarǵa soıyldar jáne basqa da zattarmen qarýlaný tapsyrylǵan. Erekshe belgi retinde barlyq qylmyskerdiń qolynda aq tańǵysh bolýy kerek bolǵan.
«Qalanyń túkpir-túkpirinen kelgen qarýly qylmyskerlerdiń bul toptary 24 azamatty urlap áketip, uryp-soǵyp, Ritz Carlton jáne «Qazaqstan» qonaqúıleriniń avtoturaǵynda ustaǵan. Artynsha jábirlenýshiler qalanyń shetine jetkizilip, temir konteınerge qamalǵan. Jaraqat nátıjesinde jábirlenýshilerdiń biri qaıtys boldy», dedi ol.
Osy qylmystardy jasaǵany úshin 40 kúdikti qamaýǵa alyndy. Qylmystyq toptyń qalǵan múshelerin anyqtaý jumystary jalǵasyp jatyr.