Kórmeniń tirkeý qujaty qorǵaldy

Parıj qalasynda qazaqstandyq delegasııa «EKSPO-2017» tirkeý qujatyn qorǵady. 23-24 sáýir aralyǵynda Pa­rıj qalasynda «EKSPO-2017» Ha­lyqaralyq maman­dan­dyryl­ǵan kórmesiniń komıssary – Qa­zaqstan Respýblıkasy Syrtqy is­ter mınıstriniń birinshi oryn­basary Rápil Joshybaev basta­ǵan qazaqstandyq delegasııa Halyqaralyq kórmeler bıýrosynyń (HKB) Atqarýshy komıtet otyrysynda «EKSPO-2017» tirkeý qujaty boı­yn­sha esep berdi. Tirkeý qujaty kórme ny­sandarynyń barlyq tehnıkalyq qujattaryn qamtıtyn sońǵy jos­par bolyp sanalady. R.Joshybaev óz sózinde Atqarýshy komıtettiń sońǵy oty­rysynan keıingi kezeńdegi atqa­rylǵan jumys týraly baıandap, qazaqstandyq taraptyń Bas hatshy Vısente Lossertalestiń naýryzdaǵy Qazaqstanǵa jasaǵan sapary kezinde aıtylǵan barlyq usynystary nazarǵa alyn­ǵan­dyǵyn jetkizdi. Sondaı-aq, «EKSPO-2017» komıssary kór­me qatysýshylaryn akkredıtteý men qazaqstandyq vıza berý týraly tolyq aqparat berdi. Otyrys qorytyndysy boıynsha Atqarýshy komıtettiń músheleri «EKSPO-2017» kórmesiniń Tirkeý qujatyn biraýyzdan qoldap, ústimizdegi jylǵy 11 maýsymda Parıjde ótetin Halyqaralyq kórmeler bıýrosynyń (HKB) 155-shi Bas Assambleıasynyń maquldaýyna usynýǵa sheshim qabyldady. «Egemen-aqparat».